Star Akademi - Shkup

BBC Albanian

Ekzotikë spanjolle – Koncepti GTA

Tradicionalisht, Grupet e F1 kanë automobilë edhe për rrugë. (psh.McLaren, Ferrari). GTA, kompanija garuese spanjolle e cila garron në Formula 3 shampionin gjithashtu ka autombil të vetin garrues.

Koncepti akoma nuk ka emër, por dihet se do të shfrytëzojë motor V10, me diku 700 KF. Shpejtësia maksimale duhet të jetë 340 km/h.

Edhe për atë se të gjithë do të jenë të mendimit se ky automobil duket i shkëlqyer,nuk mund të anashkalohet fakti se ky model shumë ngjason me Ferrarin, e sidomos në pjesën e përparme.

Testimi i GTA konceptit, do të fillojë në Gusht. Çmimi pritës për këtë automobile do të jetë as më pak e as më shumë se 600.000 euro, që nuk do të jetë risi për konkurentët.

OSCAR

Është zhvilluar dje në mbrëmje ceremonia e ndarjes së çmimeve Oscar që solli në sallën e Teatrit Kodak në Hollywood, emrat më të njohur të kinemasë botërore.

Si aktorja më e mirë në ceremoninë e mbrëmshme Oscar, u vlerësua Marion Cotillard për portretizimin e këngëtares së famshme franceze Edith Piaf me filmin “La Vie en Rose”. Aktori më i mirë u përzgjodh Daniel Day Luis me rrolin e tij në filim “There Will be blood”.
Joel Cohen dhe Ethan Cohen u vlerësuan me çmimin Oscar për regjinë më të mirë me filmin, “No country for old men”, i cili u vlerësua dhe si filmi më i mirë për vitin 2007.
Si aktori më i mirë jo protagonist u vlerësua Javier Bardem për interpretimin e tij në filmin “No country for old men”.
Tilda Swinton mori çmimin Oscar për aktoren më të mirë jo protagoniste në filmin “Michael Clayton”.
Me çmimin më të mirë për filmin dokumentar u vlerësua filmi “Taxi to the dark side”, ndërsa si filmi më i mirë i huaj, u vlerësua filmi austriak “The counterfires”.
Rrugët rreth teatrit Kodak në Hollywood ishin mbushur me adhuruesit e yjeve të kinemasë që në orët e pasdites së djeshme.
Ceremonia e mbrëmshe, që përkonte me përvjetorin e 80-të të çmimeve Oscar, riktheu në punë skenaristët hollivudianë, mbas një greve 3 mujore.
Gjatë minutave të kësaj mbrëmje të madhe, u kujtuan dhe yjet e kinemasë botërore nëpër vite, regjizorët më në zë të saj, skenaristët formuluesit e muzikës, dhe të gjithë ata që ndërtuan gjatë këtyre 80 viteve, historinë e kinemasë botërore, e që vlerësohet çdo vit me statujën e artë OSCAR.

TAMARA, VERCAK DHE ADRIAN GAXHA DO TA PERFAQESOJNE MAQEDONINE NE EVROSONGUN E SIVJEM

Kompozicioni me titull “Në emër të dashurisë”, intepretuar nga Tamara, Vërçak dhe Adrian Gaxha u zgjodh kënga që do ta prezantojë Maqedoninë në festivalin muzikor evropian në Beograd.

Në emër të dashurisë" me kompozim dhe orkestrim nga Rade Vërçakovski-Vërçak dhe e interpretuar nga vetw ai, Adrian Gaxha dhe Tamara Todevska do të përfaqësojë Maqedoninë në "Eurovizion 2008" që do të mbahet në 20, 22 dhe 24 maj në Beograd.
Maqedonia do të konkurrojë në datën 22 maj, në natën e dytë të gjysëm-finales me 14 vende të tjera, për të hyrë na natën finale në 24 maj ku do të shpallet edhe fituesi i "Eurovizionit".

Në festivalin e organizuar në Shkup ishte garuese edhe këngëtarja shqiptare Altuna Sejdiu - Tuna me kompozimin “Kërkoj pa zë”.

Ky është hamburgeri më i madh në botë

Rekordi përsëri është “i mundur”. Definitivisht u përgatit hamburgeri më i madh në botë, i cili kushton afërsisht 300 euro.

I rëndë është 67 kg. Porosinë te pronari i Mallie Sport Bar and Grill në Detriot, duhet ta bëni 24 orë para. Çmimi është diku rreth 290 euro.

Për këtë hamburger “xhin” nevojiten: mish viçi, djath, dhe test (brum) 25 kg.

Përderisa piqet pleskavica e nevojshme është ta kthejnë tre njerëz. Në librin e Ginisit momentalisht hamburgeri më i madh peshon 61 kg.

Martohet me kukullën se dhëndri kishte punë

Nëse nusja ndihej e lehtë si një pupël me fustanin e nusërisë, dhëndëri i saj me siguri se ndihej si i mbushur me ajër ndërsa të dy rinovuan martesën në Grove City, Ohio.

Bashkëshorti i Sheila Smith, Bob ishte në një udhëtim pune dhe s’mund të ishte i pranishëm në ceremoninë e ribetimit të martesës së tyre. Prandaj miqtë i sollën pranë një kukull të mbushur me ajër. Ata e veshën me kostum, me këmishë dhe pasion dhe i ngjitën në kokë një foto të Bob Smith-it të vërtetë. Nusja mbeti pa fjalë, pasi miqtë e kishin ftuar të ishte shoqëruesja e nuses. Kur Sheila Smith i telefonoi bashkëshortit t’i tregonte për kukullën me ajër, ajo thotë se ai qeshi kaq shumë sa s’mundi të fliste.

I grabisin apartamentin, kamera tregon nipin

Një person në Brandenton u filmua nga kamerat e vëzhgimit ndërsa grabiste një apartament. Ai kishte qenë shumë herë në atë shtëpi, pasi ishte e gjyshes së tij, por i kishte shpëtuar detaji se ajo mbante kamera për çdo rast. Sherifi i kontesë Charlotte arrestoi 23-vjeçarin, Deangelo Lamont Carter për grabitjen e një apartamenti në Port Charlote.

Gjyshja thotë se i ishte zhdukur një kosh me veshje, vlera e të cilave ishte 300 dollarë. Kur autoritetet i thanë se kamera kishte kapur kriminelin, gjyshja mbeti pa fjalë kur në video pa nipin e saj. Të gjithë artikujt iu kthyen dhe Carter u arrestua. Këtu fjalët janë të tepërta.

Bjork: Kosova duhet të jet e pavarur

Këngëtarja islandeze Bjork, gjatë një koncerti në Tokio, ka bërtitur “Kosovo, Kosovo”, ndërsa sipas disa të pranishmëve ajo disa herë e ka përsëritur se “Kosova duhet të jetë e pavarur”.

Në koncertin e zhvilluar në Tokio, këngëtarja ka kënduar edhe këngën “Declare Independence”, të cilën ia ka kushtuar ishujve Faroe.

Pas kësaj, ajo ka theksuar fjalët “Kosovo, Kosovo!”, derisa vokalet përcjellëse kanë filluar të lëkundin disa flamuj të kuq, që kanë lënë përshtypjen e flamurit shqiptar. Bjork më pastaj i është drejtuar me këto fjalë: “Kosova duhet të jetë e pavarur, serbët nuk meritojnë të qeverisin me Kosovën”, ka bërë të ditur një burim për gazetën sërbe “Blic”.

Kam katër veshka, doni dy?

Një vajzë 18-vjeçare në Angli, e cila sapo ka marrë vesh se ka katër veshka, kërkon t’ia dhurojë dy organet shtesë një të sëmuri me kancer. Laura Moon shkoi të bëjë një eko në spitalin “Seacroft” në qytetin e saj, Leeds, pasi ankohej për dhimbje në stomak. Doktorët u habitën nga ajo që zbuluan dhe foton e saj ua treguan studentëve të universitetit.

Skani tregonte 4 veshka, dy me masë 14 centimetra dhe dy të tjera me masë 9 centimetra. Ajo po mendon t’i dhurojë dy organet e saj shtesë. “Nuk jam e sigurt se si funksionojnë dhurimet, por di se kam katër veshka dhe doja të ndihmoja dikë në nevojë”, thotë ajo. Gjendja e saj është shumë e rrallë dhe që të katërta funksionojnë mirë.

Eurosong 2008

Pse ju bijnë flokët?

Më shpesh rënia e flokëve vjen si rezultat i të ashtuquajturit androgena alopecija.

Kjo don të thotë se 90% e burrave fillojnë të bëhet qel si rezultat i hormoneve, në veçanti testosteronit.

Në situate të rralla kjo dukuri i kap edhe gratë. Testosteroni në krahasim nga estrogjeni e faza anogjene, që don të thotë se fijet bijnë në intervale më të shkurtëra kohore.

Te burrat kjo kalon në disa tipe, ata që bijnë që para pubertetit dhe qel i thjeshtë, që flokët bijnë hap pas hapi. Alokimi i dijagnostifikuar mund të shërohet me minoksidil, finasteridom, antiandrogen ose me estrogjen.

Për shkak të toksinimit të gjithë këtyre barrërave terapinë e jep specialisti për lëkurë. Në rastet kur barrërat nuk lejohen apo nuk japin efekt, gjithmonë ka mundësi për transplatim të flokëve.

Kompakt i Ri – SUV Volvo XC60

XC60 do të jetë modeli i ri i Volvo-s në klasën e terrenëve kompakt nga klasa më e lartë, ku bëjnë pjesë BMW X3 dhe Mercedes GLK, por së shpejti edhe Audi Q5. E veçanta do të jetë, se përveç dizajnit përparësi do të jetë çmimi më i ulët në krahasim me konkurrentët.

Modeli do të duhej të paraqitet në panairin në Gjenevë, por si gjithmonë në botën e automobilizmit prej përpara paraqiten fotografi.

Tani për tani dihet se do të ofrohet motor dizel prej 2.4 me 163 dhe 185 KF. Por nga benzini risi do të jetë motori V6 prej 3.0 me 285 KF!

Për brendësinë apo vozitjen të mos flasim, siç shihet nga fotografitë do të ketë paisje më të re qoftë sa i përket vozitjes apo sigurisë.

Nëpër salone do të paraqitet në pjesën e dytë të këtij viti.

Vajzat e ekranit me operacione plastike

						Ato janë gjithmonë e më të përfoluara, jo aq për arritjet e tyre profesionale sesa për pamjen. Divat e ekranit, duke e ditur këtë dobësi të publikut, arrijnë ta shfrytëzojnë fare mirë. Këtu nuk është fjala thjesht për ndryshimin e veshjes, stilistit personal apo ngjyrës së flokëve, por për një ndryshim pothuajse revolucionar në fytyrën dhe trupin e tyre. Duke ju nënshtruar operacioneve plastike, tashmë edhe shumë personazhe të famshme shqiptare kanë përmirësuar pamjen e tyre të jashtme. Arsyet janë të shumta. E bëjnë për të sfiduar konkurrentet, për t’i rezistuar kohës, për të qenë në qendër të vëmendjes, për t’ju paraqitur adhuruesve në mënyrë sa më etike dhe për të arritur përsosjen e bukurisë së pavdekshme. Midis tyre mund të përmendim Ledina Çelon, Bleona Qerretin dhe Alketa Vejsiun. Për të mos lënë pas edhe një grup personazhesh që nuk pranojnë se i janë nënshtruar operacioneve estetike. Kohëve të fundit operacionet plastike janë bërë aq të zakonshme dhe të modës, edhe për njerëzit e zakonshëm, aq sa nuk i lënë vend njëri-tjetrit. Publiku kureshtar është i pari që përhap thashethemet, duke i detyruar më në fund VIP-at që të dorëzohen e të pranojnë zbukurimet e bëra nga bisturia. Shumica prej tyre dalin hapur ndaj këtyre ndërhyrjeve kirurgjikale të bukurisë, si një obligim që ata kanë ndaj fansave dhe publikut. Duke qenë një imazh publik është e nevojshme të jesh sa më i pranueshëm dhe estetik. Për një hundë më të bukur Midis personazheve të famshme shqiptare, operacioni plastik më i shpeshtë është ai i hundës. Ledina Çelo, Bleona Qerreti, Jonida Maliqi, Alketa Vejsiu dhe së fundmi Çiljeta Çilaga janë vajzat që kanë pranuar se kanë lëmuar paksa dhe kanë zbukuruar formën e hundës së tyre. Ledina Çelo është ndër të parat që i është nënshtruar një operacioni plastik në hundë, të kryer në vitin 1997 në Tiranë. “Është e vërtetë që kam bërë një ndërhyrje kirurgjikale në hundë. Gjithçka tjetër e imja është e paprekur”, ka deklaruar ajo para disa muajsh. Në këtë mënyrë ajo ka hedhur poshtë edhe zërat se midis të tjerash bisturia ka ndërhyrë në gjoksin dhe buzët e saj. “Është thënë se gjoksin e kam rritur me silikon, por nuk është aspak e vërtetë”, ka thënë Çelo. Ajo ka deklaruar gjithashtu se ndoshta së shpejti do të bëjë një ndërhyrje me silikon apo një ndërhyrje të dytë në hundë për ta bërë më të bukur. Bleona Qerreti është një tjetër këngëtare që ka mahnitur së fundmi të gjithë me pamjen e saj. Vetëm hunda ka ndryshuar tek ajo? Ndërhyrjen e parë ajo e bëri para disa vitesh në Tiranë, ndërsa tani ka zgjedhur klinikat e huaja. Për të vazhduar më pas me dy diva të tjera të ekranit, siç janë Alketa Vejsiu dhe së fundmi Çiljeta Çilaga. Për prezantuesen Vejsiu u desh të kalonte shumë kohë që ajo të aprovonte ndryshimin estetik që kishte bërë në fytyrën e saj. Në fund, para valëve të komenteve ato të gjitha dorëzohen. E për t’u shfajësuar thonë se kanë pasur mish të huaj në hundë dhe meqenëse ishte rasti, përse të mos bënin edhe disa zbukurime. Zbukurime të cilat kanë nisur pothuajse dy shekuj më parë dhe tashmë janë bërë tepër normale e të pranueshme nga e gjithë bota. Epoka e operacioneve plastike Operacionet kozmetike janë një mani shumë popullore, siç vërtetohet edhe nga 11.9 milionë ndërhyrje plastike të bëra në Shtetet e Bashkuara vetëm gjatë vitit 2004. Sot në botë operacionet plastike më të përhapura janë ato të barkut, kapakëve të syrit, gjoksit, heqja e dhjamit, për të vazhduar me hundën, veshët dhe mjekrën. Ledina Çelo Ajo është shprehur se në trupin e saj gjithçka ka ndryshuar duke u marrë me fitnes. Diçka që jua rekomandon të gjitha femrave. Këngëtarja Ledina Çelo ka pranuar se hunda e saj nuk mban më të njëjtin identitet dhe mund të ripërmirësohet në të ardhmen. Por thotë se trupi i saj është pa silikon, por nuk ka frikë të pranojë që ndoshta mund të bëjë edhe një ndërhyrje kirurgjikale në gjoks në të ardhmen. Por, me gjithë të qenit një e gjatë kilometrike, me flokë dhe imazh joshës, ajo nuk ka se si të mos e mbushë skenën, me ose pa të tilla operacione. Për çdo personazh që është gjithnjë në qendër të vëmendjes, të qenit në radhë të parë femër dhe e bukur nuk ka asnjë arsye përse një rrumbullakosim formash të fytyrës apo trupit të humbasë çdo vlerë. Jonida Maliqi Në festivalet e fëmijëve ajo ishte pakëz e shëndoshë. Por spikatej dëshira për të qëndruar në qendër të vëmendjes. Sot ajo ja ka arritur këtë më së miri. Jonida Maliqi ka rreth 15 vjet që njihet me skenën dhe më mirë se kushdo tjetër i njeh kushtet që të imponon ajo. Dhe Jonida ka ditur më së miri që t’i përshtatet sot dhe madje të shfrytëzojë prej tyre. Sa herë që në skenë do të dëgjohet emri i saj, kushdo e kthen kokën për të parë ndryshimin e saj të radhës, si është veshur apo çfarë na ka “sajuar” tani. Një stil, të cilin e ka bërë totalisht të vetin, duke u shfaqur gjithmonë ndryshe dhe ekstravagante.

Nëndetëse apo automobil? Mundet të dyja sëbashku!

Prodhuesi zvicerian i automobilave me pakicë, Rinspeed, në Panairin në Gjenevë do ta prezentojë automobilin e parë, i cili do të mundet edhe të “notojë”…

Bëhet fjalë për Rinspeed Squba, roodster, i cili do të bazohet në Lotues Elise, por për dallim nga ai, ku do të shfrytëzon tri motorë eletrikë.

Dy motorët do ti ndihmojnë për të “notuar”, nga ku udhëtarët nuk do të mund të mbrohen nga uji. Do të kenë maska për hidrogjen, por për shkak të sigurisë më të madhe, kabina do të jetë e hapur, kështu që nëse paraqiten probleme, udhëtarët do të mund të notojnë për dalje në breg.

Materialet që do të shfrytëzohen në brendësi do të jenë rezistuese në ujë, si dhe karoserija e cila do të përpunohet prej çelikut të lartë, që të mos dryshket.

Performanca të tjera për ketë automobile nuk jepen, përveç se atyre që çka mund të bëjë ndërujë. Thellësia që do mund të “notojë” do të jetë 10 metra, që mjafton për tu fshehur nga sytë e “thashethemaxhinjëve”.

Protesta para Ambasades greke ne Shkup

Para ambasadës greke në Shkup janë shtuar masat e sigurisë, duke qenë të pranishme edhe forca speciale, pas protestës së mbrëmshme.
Pjestarë të policisë speciale dhe automjete policore janë vërejtur rreth ambasadës greke në Shkup, pas protestës së mbrëmshme të qindra maqedonasve para kësaj ambasade. Protestuesit kishin sulmuar ambasadën me gurë dhe gjësende të tjera, ndërsa pas ndërhyrjes së policisë speciale turmat ishin shpërndarë. Protesta u organizua në shenjë revolte për shkak të insistimit grek për ndryshimin e emrit kushtetues të Maqedonisë. Lidhur me incidentet e mbrëmshme reagoi sot Ministria e Jashtme greke, e cila kërkoi ndërhyrje të autoriteteve të Shkupit për qetësimin e gjendjes.

Ik skajeve

Ti që s'ke ndjenja
ik skajeve
ik...

Ne të parin skaj
kerko dashuri

Ne të dytin skaj
vesët e këqia
t'i shporësh

Në të tretin skaj
mëshirë prej Zotit kërko
kërko mëshirë nga unë

Fillo një jetë të re
me ndjenja e dashuri
se pa to s'mund të jetosh

Nëse nuk do
ik skajeve të përjetësis
ik...

SA TE UREJ AQ EDHE TE DUA

Dita e pare ne pune per mua ishte teper e veshtire, edhe pse te gjithe koleget me priten mire. Kisha hyre sa e sa here ne kete "Shtepi te madhe" sic eshte MTV-ja, por kur me pune. Kisha ardhe me babain tim, kisha vizituar anen e radios. Sa here kur futesha ne kete ndertese te madhe, i shikoja me aq embelsi te gjthe te punesuarit, thoja o Zot sa te mire jane, por edhe shume te bukur, te gjithe si yje Hollivudi.
Vizita e fundit ishte kur na thiren pas vdekjes se babit tim. Pasi dola thash me vete ndoshta kur nuk do ta vizitoj me MTV.
Andaj anjehere njeriu nuk duhet te flas prej perpara per dicka qe do te ndodh ne te ardhmen.
Ja fati e deshti qe edhe une te vijoj punen ne te njejtin institucion ne TV...
Cdo gje me dukej si enderr sepse kur se kisha menduar se do ta vazhdoja rrugen e babit tim.
Madje nuk e kisha kryer fakultetin per gazetari...Eh sa e sa here babi im me thoshte, ti bije do te behesh administratore dhe do te rish ne zyre, po po i thoja, e bindur se ky ishte profesioni im i ardhshem.
Cdo fillim eshte i veshtire. Mund ta paramendoni si eshte dita e pare ne pune.
Shtepia e madhe ka shume banues, aty u njoha me plot kolege dhe karaktere te ndryshem dhe kuptohet nuk eshte cudi se ne nje familje 4 antareshe gjen kater "parti" te ndryshme e jo me ne nje shtepi si kjo qe eshte
Aty i takova shoket dhe shoqet qe edhe sot qe bera nje vite qe jam ne kete medium, i kam "shoke per koke". Po aty njoha Husametin Ginen kolegun me te mire nga redaksia turke, i njoha shume kolege qe me respektojne njoha Amirin dhe Sametin" bilazeret", njoha Memon "ciao ", njoha babain tim te dyte Alushin-kameramanin, njoha Hamiden, Meliten, teta Shpresen, njoha shume e shume kolege si Valmirin, Flutren,Meriten,Naimin,Ejupin,Floren,Fatosin,Bekimin, teta LuizenNandin...........
Aty u njoha me shume cka duke mos i tejkaluar edhe thashethemet. Kete e quaje te natyrshme ne nje shtepia kaq gjigante edhe kete e has...Ndonjehere them ehu o Zote pse me prure ketu nder kohe kur jam larg MTV ndjehem keq, them dua te kthehem atje, te zenkat, te tashethemat, puna stresante, shoqeria, te jeta ime sepse atje pos elementeve negative qe dominojne ka edhe pozitive.
Atje une ndjeva dashurin e paster shoqerore, po po atje une takova njerez me zemer te pastes si loti, qe me kane ndihmur ne cdo peripeci qe kam hasur qofte gjate punes qofte nga merzija e castit. Aty ne MTV mu plotesua mungesa e shprazetires prinderor, po po atje une rilinda...
Atej mesova cka eshte stresi, agresiviteti, ankthi por edhe cka eshte shoqeria.
Tash sodo te them te urrej MTV po aq kthehem e them MVT po aq te dua.

I përgatitur për Evropë - FORD Kuga

Së shpejti (në maj të këtij viti) në salonet e automobilave do të paraqitet Fordi i parë crossover me emrin Kuga, me të cilin emër do të njihet shpejtë.

Do të ketë sistemin 4X2 si dhe 4X4.

Sa u përket motorëve do të dominojë 2.0 durotorq TDCi pra dizel me 136 KF, me 340 Nm në 2000 min, por do të ketë kuptohet edhe 2.0 kubikëshi me motor benzin.

Paleta e motorëve do të jetë e zgjeruar, por do të ofrohet edhe sistemi hibrid i parë të Fordit evropian.

Kuga do të mund të lëvdohet me kompakt dhe sport-vozitje. Por edhe me hapësirë të madhe, sin ë karriket e parme ashtu edhe në ato të pasme.

Dera e bagazhit do të fsheh hapësirë prej 360 litrave, që me shtrirjen e karrikeve të pasme arrin deri në 1355 l vend.

Shtiret si i verbër 40 vjet për shkak të pensionit invalidor

Italiani shtatëdhjetëvjeçar, i cili 40 vjet është shtirur se është i verbër për të marrë pension invalidor, është kapur duke vozitur automjetin e tij, kanë njoftuar mediat italiane. Shefi i policisë në qytetin Spezia në veri të Italisë, Massimo Giaramita ka thënë se policët gjatë kontrollit rutinor kanë ndalur “një person shumë nervoz”, pas së cilës i kanë kontrolluar regjistrin e tij të shëndetësisë dhe janë habitur kur kanë parë se në të shkruhet se ai është 100 për qind i verbër.

I arrestuari nga ish punëdhënësit e tij gjatë 40 vjetëve të fundit ka marr pensionin invalidor dhe beneficione të tjera.

Ford Ka- për herë të parë me motor dizel!

Ford Ka i Ri do të jetë në treg për blerësit në fund të këtij viti, për çmim prej diku rreth 10.000 euro, ndërsa do të shfrytëzojë platformën e Fiat 500. Si edhe modeli i vjetër, sa i takon dizajnot do të ketë ndryshime në krahasim me modelet tjera të Fordit.

Nga Fordi bëjnë të ditur se Ka do të jetë i suksesshëm si Fiat 500, që me të vërtetë është problem për ta besuar. Që në fillim mund të shihet se Ka nuk e ka trend-stilin e Fiat 500.

Motori gjithashtu do të merret nga Fiat 500. Për herë të parë do të jetë në dsiponim motori dizel prej 1.3 kubikësh, Multijet dhe 75 KF. Do të gjenden edhe dy motorë benzin; 1.2 me 63 KF dhe 1.4 me 100 KF.

K-ja e Re oficialisht do të prezentohet në panairin e Parisit në Tetor të këtij viti, që don të thotë se do fillojë me shitje menjëherë pas kësaj.

Ne prag te pavarsise se Kosoves qytetaret e Shkupit japin keto komente

Shen Valentini dita e te dashururve ne Shkup u prit ne kete menyre

Parlamenti i Kosovës e solli Pavarësinë e Kosovës

Nga 109 deputetë të Parlamentit të Kosovës, 109 votuan “për” deklaratën e Pavarësisë. Deklaratën e nënshkruan Kryetari i Qeverisë, Hashim Thaçi dhe kryetari i Kosovës, Fatmir Sejdiu.

“Dita e sotme simbolizon fundit e një procesi të gjatë. Kosova do të jetë shtet e të gjithë qytetarëve. Do të jetë shtet i tolerancës, shtet multietnik, e orientuar kah Unioni Evropian”, tha Thaçi.

Ai deputetëve ju drejtua me fjalët “Kosova do të ndërtohet që nga fillimi dhe që nga fillimi do të duhet të ndërtohen edhe institucionet”.

Kosova, SOT (e djelë) e pavarur

Kosova, shteti më i ri në botë, do të shpallet e pavarur sot, në orën 15:00. Një axhendë e shpërndarë ka zbuluar përfundimisht se shpallja e mëvetësisë do të bëhet pikërisht në ditën e pritur, sot, e diel 17 shkurt. Deri më tani, këtë datë nuk e ka konfirmuar asnjë lider i besueshëm politik, për shkak të shqetësimeve që ndërlidhen me sigurinë, të imazhit që do të dalë nga Kosova atë ditë dhe të ngjarjeve në Serbi.

Kjo axhendë është përgatitur disa ditë më herët, por është shpërndarë vetëm pas disa ngjarjeve të rëndësishme që kaluan - zgjedhjeve në Serbi, inaugurimit të Presidentit serb, Boris Tadiç, dhe mbajtjes së seancës së Këshillit të Sigurimit. Pikërisht pas takimit në Nju Jork të ambasadorëve të vendeve anëtare është konfirmuar se procesi i shpalljes është i pashmangshëm.

Kështu, vendi plotëson një proces të gjatë, fillimisht të krijimit të aspiratave shtetërore, luftës për to dhe realizimin e tyre pas një periudhe të gjatë të negociatave, të cilat do të rezultojnë me një shtet shumetnik, atributet e të cilit dalin pikërisht nga propozimi i Marti Ahtisarit. Duken rrethana të mrekullueshme për natyrën e Ballkanit - moti është i përshtatshëm, trupat e NATO-s gjenden në terren dhe sidomos fjalori politik është tejet i kontrolluar. Trupat e KFOR-it kanë demonstruar prezencën e tyre këto ditë, ndërkohë që janë reklamuar në masë të madhe forcat kosovare të sigurisë.

80 tonë fishekzjarre për festimet

Duke ditur traditën shqiptare dhe ballkanike se gëzimet nuk përjetohen si duhet pa krisma, Këshilli Organizativ i Pavarësisë ka vendosur ta vazhdojë këtë ritual. Nga rreth 1 milion euro që qeveria i ka vënë në dispozicion për t‘i shpenzuar për këtë ditë, Këshilli Organizativ ka vendosur që të ndajë disa për fishekzjarre. Në këtë mënyrë, rreth 80 tonë fishekzjarre janë sjellë nga Bullgaria në Kosovë, ndërkohë që në tërë territorin e vendit përcjelljen e ka bërë policia. Burime qeveritare thanë për "Express" se 80 mijë kilogramë fishekzjarre, përveç kryeqytetit të Kosovës, do të shpërndahen edhe në qytete të tjera të vendit.

"Policia ka bërë përcjelljen e tyre. Ato janë dërguar në vendin e posaçëm dhe do të jenë gati në ditën festive", thanë burimet. Sipas tyre, për sjelljen e kësaj sasie fishekzjarresh, veç kontrollit të zakonshëm në doganë, lejen është dashur ta japë edhe Komisioni i Pavarur për Miniera dhe Minerale (KPMM). Azem Rexhaj, drejtor i këtij komisioni, thotë se KPMM-ja bën licencimin e importit dhe deponimit të tyre. "Kompanitë importuese janë përgjegjëse për shpërndarjen e fishekzjarrëve, e bëjnë shpërndarjen sipas kërkesave të tregut", thotë Rexhaj. Ai sqaron se puna e këtij komisioni është të sigurohet nëse fishekzjarret janë të certifikuara konform standardeve ndërkombëtare. "Po, mund ta konfirmojmë se policia ka bërë përcjelljen e fishekzjarreve nga kufiri deri në vendin e caktuar", tha Veton Elshani, zëdhënës i policisë.

Axhenda

E diela e pavarësisë

10:00
Kryeministri shkon nga qeveria në Parlament dhe dorëzon kërkesën për seancë të jashtëzakonshme të Parlamentit

11:00
Kryeministri publikon kërkesën për një seancë të jashtëzakonshme të Parlamentit

12:00
Mbledhja e Kryesisë së Kuvendit

13:30
Takimi i grupeve parlamentare

15:00
Seanca plenare e Kuvendit të Kosovës

18:00
Deklaratë nga të tre liderët në hotelin "Grand", në Media CENTER

18:30
Paraqitja e obeliskut të pavarësisë përpara Pallatit të Rinisë në Prishtinë

19:00
Koncerti i Filarmonisë së Kosovës në hollin e koncerteve "1 Tetori"

20:00
Koncert në sheshin e qytetit

22:50
Presidenti dhe Kryeministri u drejtohen qytetarëve të Kosovës

23:00
Fishekzjarre të ngritura në katër pjesë të ndryshme të Prishtinës

Kosova mban frymën deri dekikun e fundit

Një telefonatë "diplomatike" ka ndryshuar papritur planin e Kryeministrit të Kosovës, Hashim Thaçi, për të bërë publike datën dhe orën e shpalljes së pavarësisë së Kosovës. Një bombë e shpërthyer pranë zyrës së Bashkimit Evropian në Mitrovicën veriore ka qenë një nga shkaqet kryesore që ka rritur frikën te komuniteti ndërkombëtar, i cili nuk ka "lejuar" kosovarët të nisin festimet që ditën e djeshme. Gjithçka ishte përgatitur në mëngjes, nëpërmjet njoftimeve nga zëdhënësi i Kryeministrit Thaçi. Agjencitë e lajmeve përhapën lajmin se data do të shpallet në orën 13.30 nga kreu i qeverisë së Kosovës, në Qendrën Ndërkombëtare të Shtypit. Një prej zyrtarëve të qeverisë bëri të ditur për "Shqip" se konferenca e Thaçit do të përbënte lajmin e ditës. Stacioni prestigjioz botëror BBC ndërpreu transmetimet për të dhënë direkt evenimentin që ishte paralajmëruar nga Prishtina... Por, Kryeministri Thaçi ka "zhgënjyer" mediat, duke mos e përmendur sërish datën dhe orën e shpalljes së krijimit të shtetit më të ri në Evropë. Zyrtarisht, Thaçi publikoi se do të njoftonte ngritjen e zyrës për mbrojtjen e minoriteteve, që në fakt ishte marrë disa ditë më parë. Pyetjes së gazetës "Shqip" se a ka ndryshim nga axhenda e përcaktuar në lidhje me pavarësinë, Kryeministri Thaçi iu përgjigj se "nuk ka asnjë ndryshim të axhendës, sepse ne po punojmë sipas planit ditor të përcaktuar që më përpara". Një zyrtar i afërt me Kryeministrin, bëri të ditur se ka qenë ndërhyrja e qarqeve diplomatike të Perëndimit, të cilat kanë sugjeruar Thaçin të mos e shpallte festën, duke e argumentuar këtë si një masë sigurie paraprake nga incidentet, por edhe për të pritur takimin mes Presidentit të Shteteve të Bashkuara të Amerikës, George W. Bush me Sekretarin e Përgjithshëm të Organizatës së Kombeve të Bashkuara, Ban Ki Moon, i cili u mbajt dje pasdite (me orën lokale të Shqipërisë) në Shtëpinë e Bardhë.

Pak pas orës 22.30, një sasi tritoli ka shpërthyer në lagjen "Çeta e Minatorëve" në Mitrovicën e veriut, matanë Ibrit, e cila banohet nga serbët. Shpërthimi ka qenë i fuqishëm dhe ka alarmuar menjëherë KFOR-in, UNMIK-un, si dhe institucionet e tjera ndërkombëtare që ndodhen në Kosovë. Me gjithë qetësimet e Shërbimit Policor të Kosovës, zëdhënësi i të cilit, Veton Elshani, tha për "Shqip" se është një ngjarje e izoluar pranë banesës së një qytetari, incidenti nuk kaloi pa lënë gjurmë, pasi ndodhi fare pranë zyrës së observatorëve të Bashkimit Evropian në Mitrovicën e Veriut. Sot në mëngjes mbërrin në Prishtinë kontingjenti i parë i misionit civil të BE-së prej 1800 punonjësish civilë e policë, të cilët duhet të instalohen në të gjitha anët e Kosovës, e veçanërisht në enklavat e banuara nga serbët. Pikërisht hyrja e misionit të Bashkimit Evropian ka qenë një nga shkaqet e tjera të tërheqjes së Thaçit për ta deklaruar datën dhe orën e shpalljes së pavarësinë. Ndërkaq, për të qetësuar situatën, zëdhënësi i Partisë Demokratike të Kosovës citon pikërisht Kryeministrin Thaçi në përgjigjen e dhënë për "Shqip", që "axhenda e pavarësisë nuk ka ndryshuar". Pra, të dielën pasdite, Kuvendi i Kosovës do të mblidhet për të votuar deklaratën e sovranitetit dhe lindjen e shtetit më të ri në botë.
"Edhe pse nuk do të bëjë dëm të madh, Beogradi nuk do të qëndrojë duarkryq", thotë Edita Tahiri, një nga deputetet kryesore të Partisë Demokratike të Kosovës, në pushtet. Një fakt që na e konfirmojnë edhe zyrtarët e qeverisë, të cilët bëjnë të ditur se bllokada e paralajmëruar nga Kryeministri Koshtunica, do të vihet në fuqi që të hënën në mëngjes, por që nuk do të ketë efekt. Por Prishtina nuk ka qëndruar duarkryq për të marrë masat antibllokadë. Qeveria e Kosovës e ka shpallur vendin në "krizë emergjence" për sa i përket furnizimit me energji elektrike, duke autorizuar Korporatën Elektroenergjetike të Kosovës, që të sigurojë sasinë e duhur të energjisë që mund të ndërpritet nga Serbia. Ndërkaq, Ministria e Shëndetësisë po bën analiza të përditshme për ujin që furnizon një pjesë të veriut të Kosovës, i cili vjen nga pjesa ku jetojnë serbët. Të dhëna nga shërbimet inteligjente nuk e kanë përjashtuar mundësinë e kontaminimit, por këto zëra nuk janë verifikuar nga burime zyrtare. Ndërkaq, Ministria e Brendshme, që prej ditës së sotme, do ta mbyllë kufirin me Serbinë në pikat kufitare të Mitrovicës dhe të Merdarës për të parandaluar hyrjen e kontingjenteve të rrezikshme. Zëdhënësi i SHPK-së, Veton Elshani, duke folur për "Shqip", tha se nuk ka vendim zyrtar për mbylljen e kufijve, duke mohuar kështu disa lajme të përhapura, që kanë preokupuar edhe kufirin me Shqipërinë. Elshani tha se kufiri me Shqipërinë jo vetëm që nuk do të mbyllet, por do të shtohet personeli për të pritur një numër sa më të madh qytetarësh që duan të vijnë në Kosovë, me rastin e shpalljes së pavarësisë. Të gjithë rrinë me frymën të mbajtur deri nesër pasdite. Me sytë nga Uashingtoni dhe Brukseli...

Për pavarsinë e Kosovës

Kosova duket se është gati për të shpallur pavarësinë. Jo vetëm festime, por emocionet e kësaj dite të madhe dëshirojnë t‘i përjetojnë nga afër edhe mijëra të emigruar ndër vite, të cilët janë kthyer dhe po kthehen ditët e fundit në atdhe. "Jemi fatbardhë që arritëm ta presim këtë ditë", tha njeriu me një furçë në njërën dorë dhe me një kovë me ngjyrë të bardhë në dorën tjetër, duke ecur në shkallët pranë monumentit të Gjergj Kastriotit - Skënderbeut, në Prishtinë.

Burri dyzetvjeçar Musa Gashi, nga Drenasi, ka bërë rreth 40 kilometra rrugë për të ardhur në Prishtinë që t‘ia shtojë shkëlqimin e bardhësinë bazamentit të monumentit të Heroit legjendar shqiptar në prag të ditës së shpalljes së pavarësisë së Kosovës. Ky punëtor i një firme ndërtimi, e quajtur "Krapi", e ka kryer misionin e vet, ndërsa në gjithë Prishtinën shumë qytetarë bëjnë nga një punë për ta zbukuruar kryeqytetin për festën e madhe.

Me moton "Një Kosovë e re, një imazh i ri", Ministria e Mjedisit dhe Planifikimit Hapësinor ka shpallur fushatën për rregullimin dhe pastrimin e mjedisit para shpalljes së pavarësisë, "për t‘ia shtuar bukurinë festimit", siç është shprehur ministri, Mahir Jagxhillar.

"Në këto ditë të shpalljes së pavarësisë, Kosova mirëpret mysafirët, delegacione të ndryshme ndërkombëtare dhe media botërore, prandaj ka rëndësi që të kemi një Kosovë me mjedis të pastër", tha ministri Jagxhillar, që është nga komuniteti turk.

Shitësit e gazetave në bulevardin "Nëna Tereza", afër Hotelit "Grand", ku Qeveria ka hapur edhe një Qendër për median, thonë se kurrë nuk janë shitur gazeta sa këto ditë.

"A e kanë sot gazetat datën e pavarësisë?.. kur do ta kenë?...", është pyetja e shumë njerëzve, thonë gazetashitësit.

Kompania “Coca Cola”, do jetë njëri nga donatorët në festimin e Ditës së pavarësisë, duke ofruar mbi 4 mijë pije gjatë festimit të kësaj dite.Kryetari i komunës, Isni Kilaj, tha se përveç dhjetë mijë eurove të ndara nga komuna, janë ofruar edhe donatorë lokal për të financuar aktivitetet për këtë ditë, ndërsa kompania “Coca Cola”, gjegjësisht përfaqësuesi i saj, Amir Tusuni, e ka njoftuar Kilajn për donacionin e kësaj kompanie, e cila ka zgjedhur edhe Malishevën si njërën nga komunat ku do të jetë donator.
Përndryshe, gjatë këtij takimi, Kilaj i njoftoi liderët e fshatrave për organizimet e parapara, si dhe kërkoi nga ta që t’i bashkohen aksionit për pastrimin e ambientit edhe nëpër fshatrat e tyre.
Ndërsa për Malishevë, Kilaj tha se kanë marrë të gjitha masat e nevojshme për festimin e Ditës së Pavarësisë, si dhe njoftoi se ka marrë udhëzimet e duhura edhe nga kryeministri i vendit, Hashim Thaçi.

Me rastin e shpalljes së pavarësisë edhe në Tiranë nuk do të mungojnë aktivitetet festive, njofton agjencia e lajmeve INA. Pushteti lokal në Tiranë ka njoftuar se të dielën do të mbahet manifestimi "Shëtitje e lirisë".Pushteti lokal në Tiranë ka njoftuar se të dielën do të mbahet manifestimi "Shëtitje e lirisë", i cili përfshin edhe program kulturoro-artistik. Për festën e pavarësisë sheshet në Tiranë të dielën prej orës 10 deri në ora 18 do të mbyllen për qarkullim.
Sipas mediave, shumë qytetarë shqiptarë të dielën do të udhëtojnë në Kosovë që të marrin pjesë në shënimin e kësaj dite historike për shqiptarët.

Shpalljen e pavarësisë nuk do ta festojnë vetëm shqiptarët. Janë edhe komunitetet pakicë, turqit, boshnjakët, goranët, ashkalinjtë, romët, të përfaqësuar edhe në institucione, që janë dhe punojnë për pavarësinë.

Madona për 5 milionë dollarë në Mal të Zi

E pazëvendësueshmja kralicë e pop-muzikës MADONA, nga fundi i verës për pesë milionë dollarë do të debiton në një nga plazhet e Budvës, bëjnë të ditur mediumet e Malit të Zi.

Madona, që këtë vit me tur të madh festoon 50-vjetorin e lindjes dhe 25 vjetorin e saj në skenë do të këndojë në vendin e njejtë ku para disa kohë u prezentuan edhe Roling Stonat. Duheshte vetëm një muaj bisedime si dhe 5 milionë dollarë që kralica në suaza të turit të saj të vizitojë edhe Malin e Zi.

Një rol të rëndësishëm në sjelljen e madonës në mal të Zi luajti edhe Maroviq, nënkryetari i Partisë Demokrate të Socialistëve të Malit të Zi, i cili e bindi Madonën të pranojë ofertën për një kohë shumë të shkurtër.

Koncerti do të jetë nga fundi i gushtit apo javën e parë të Shtatorit. Informata të tjera nuk jepen…

Zajmina zbuloi ngushëllimin

Nuk i ka zgjatur shumë dhimbja e ndarjes nga Turi, njeriut me të cilin këngëtarja seksi Zajmina Vasjari e shihte veten në altar. Kështu bëjnë të ditur mediat shqiptare, pasi që pati shumë zëra praën saj të cilët flasin për një lidhje të re dashurie, ku Zaji e ndjen veten më të lumtur se kurrë. Por, ndryshe nga historia e fundit ku ajo nuk nguroi ta bëjë edhe publike në media, sipas gazetës “Korrieri” këngëtarja për djalin e ri nuk preferon të japë shumë detaje.

Mendohet se ai është 28 vjeçar, goxha simpatik e kjo e ka bërë për vete Zajminën. “Ka të ngjarë që ai ta ketë shoqëruar edhe në udhëtimin e këtyre ditëve në Maqedoni, ku ajo po punon për realizimin e videos së re muzikore, që do të jetë një tjetër surprizë për fansat e saj”, bëjnë të ditur mediat shqiptare.

MILLER paiset me patentë shoferi

Sienna Miller është duke festuar, pasi që me sukses të madh ka kaluar testing e ngasjes së veturës. Aktorja simpatike, Miller, me sa duket më nuk do të ketë nevojë të vrapojë pas taksive apo autobusëve, pasi që dje ka arritur të kalojë me sukses testing e vozitjes. Ylli i “Factor Girs” e cila dy herë më parë ishte rrëzuar nga provimi për patentë shoferi, dje me sukses arriti ta kalojë, dhe se tash ka filluar të vizitojë ueb faqet e ndryshme të internetit, që merren me shitjen e veturave luksoze.

Thuhet se ajo është e interesuar të paguajë më shumë se 60.000 dollarë, për një veturë luksoze. “Herën e parë u rrëzova nga testi pasi që nuk i dija disa pyetje, kurse herën e dytë gjatë vozitjes nuk isha e kujdesshme, pasi që nuk e shikova në këndin e vdekur”, u shpreh bukuroshja Miller. Aktorja 26 vjeçe, ishte e vendosur të paiset me patentë shoferi, pasi që javën e kaluar tërë kohën ka qëndruar e mbyllur në shtëpi duke mësuar.

Së shpejti Accord i Ri

Premiera e Accord-it të Ri ishte caktuar për Panairin e Gjenevës, por kompanija japoneze vendosi që prej tani të del me disa fotografi oficiale. Edhe në modelin e ri akcenti vihet në dinamikën dhe sportin.

Do të ofrohen dy modele, pra sedan dhe karavan, prej të cilit në tregut perëndimor 90% do të jenë karavan. Ndërsa për tregun tonë dihet se më e preferuar është sedani.

Për dallim nga pjesa e jashtme (e cila do të pësojë disa ndryshime), brendësia është krejtësisht e ndryshuar dhe ngjason me stilin Honda Legend, që ka vetëm merita. Kualiteti i materialeve siç shihet është më i mirë. Oferta për hapësirë në brendësi do të rritet në të gjitha drejtimet, para së gjithash për udhëtarët në karriken e pasme.

Si risi për sa u përket motorëve do të paraqitet motori i ri dizel 2.2 me 150 KF, ndërsa motorë benzin do të përbëhen prej 2.0 dhe 2.4, pra 155 dhe 200 KF.

Në treg do të vjen në Qershor, ndërsa çmimi do të sillet sipas modelit të vjetër.

GEZUAR FESTEN E TE DASHURUARVE

URIME TE GJITHE FESTEN E SHEN VALENTINIT, JU UROJ TE DASHURONI PA KUFI... DASHURIA E MBAN NJERIUN GJALLE, NUK KA NDJENJE ME TE KENDSHME SE DASHURIA.NDAJ PER ATA QE AKOMA NUK JANE DASHURUAR U DESHIROJ QE SA ME SHPEJT TE GJEJNE SHPIRTIN E TYRE BINJAK SEPSE NJE FJALE E URTE THOTE:"ME MIRE TE KESH DASHURUAR DHE KJO DASHURI TU KETE DESHTUAR, SE SA TE MOS KENI DASHURUAR KURR

FESTA E TË DASHURUARVE NËPËR SHEKUJ-SHEN VALENTINI

Shën Valentini ka një të kaluar prej 2000 vjetësh që nëpër shekujsh është festuar në tradita të ndryshme. Një nga traditat e praktikuara shekuj më parë, ishte për të gjetur një të dashur në ditën e të dashuruarve, për çka organizoheshin shorte. Në atë periudhë, ishin njerëz të veçantë ata që merreshin me këtë llojë riti.

Ndërmjetësi merrej vesh me vajzën e cila duhet të shkruante emrin e personit që pëlqente në një copë letër dhe t'ja jepte ndërmjetësit që të merrte pjesë në short, dhe të fitonte njeriun e preferuar. Në shekullin e 16-të, pikërisht më 14 shkurt, si shenjë dashurie jepeshin dhurata të këtilla si; dorëza, çorape dhe shami. Në shekullin e 17-të, Puritenët amerikanë, që ishin një shoqëri e krishterë, me arsyetimin se është dita e të dashuruarve është një besim i kotë, u munduan ta ndalonin. Edhe këtë here dashuria triumfoi, dhe ata nuk ia dolën ta ndalojnë këtë festë. Dhuratat e asaj kohe ishin veshjet dhe një shishe verë. Ne atë periudhë, 14 Shkurti festohej në Francë, Itali, Gjermani etj.


Në një fshat të vogël të Francës, pleqtë e fshatit ndaheshin në dy grupe dhe shëtisnin shtëpi për shtëpi për të zgjedhur të rinjtë të cilët dilnin nëpër dritare dhe thonin emrat e njëri-tjetrit, e më pastaj vajza i dërgonte një veshje të re si shenjë ftese mashkullit për mbrëmjen e njohjes që organizohej në qendër të qytetit. Nëse ftesa i pranohej nga djali, si përgjigje vinte një shishe vere. Atë natë në mbremjen e Shën Valentinit, nëse vajza apo djali nuk e pelqenin njëri-tjetrin, po atë natë ndizej një zjarr i madh dhe digjeshin të gjitha veshjet që ishin dërguar për ftesë. Në vitin 1776 kjo tradite u ndalua.

Në shekullin e 18-të, shfaqen kartolinat e para për ditën e dashurisë. Ishte zakon që ato kartolina të punoheshin vet nga personi që do i dërgonte. Kartolinat zbukuroheshin me germa të florinjta dhe dantella. Në to shkruhej poezi dashurie, dhe më pastaj dërgoheshin. Ndërsa disa kartolina zbukuroheshin me zemra dhe brenda i futej qeskë parfumi. Këto kartolina sot ruhen si antikitete të vlefshme nëpër muze. Mbas vitit 1850 u shtypën kartolinat e para për ditën e shën Valentinin dhe u nxorën në treg për t'u shitur. Që prej asaj kohe, shën Valentini u përdor edhe për interese fitimi në biznes.