Sunday, June 29, 2008

Ismail Kadare, kandidat i "Principe de Austrias"


Tiranë, 25 qershor (MIA) - Shkrimtari shqiptar Ismail Kadare është nominuar si kandidat për çmimin "Principe de Asturias", një çmim që pritet të shpallet sot nga Juria e Fondacionit "Principe de Asturias" në Oviedo (Spanjë), njofton ATSH-ja.

Duke ju referuar të përditshmes spanjolle "El Pais", finalistët e edicionit të vitit 2008 janë shkrimtari shqiptar Ismail Kadare, kanadezi Margaret Atuod, britaniku Ian MekEuan dhe spanjolli Huan Goytisolo, të cilët u përzgjodhën ndër 32 propozime, të cilët vijnë nga 24 vende.

Jorge Semprun, Andres Trapiello, uruguajani Eduardo Galeano, japonezi Haruki Murakami, poeti libanez Ali Ahmad Said, Adonis, koreani Ko Un, italiani Antonio Tabuçi dhe amerikani Riçard Ford ishin disa nga kandidatët e çmimit të cilët nuk kanë mundur të kalojnë seleksionimin e fundit.

ATSH-ja njofton, se gjatë diskutimeve të jurisë në këtë edicion është debatuar që në këtë çmim të përfshiheshin apo jo vetëm autorët e gjuhës spanjolle apo edhe kandidaturat në gjuhë të tjera . Hera e fundit kur një autor spanjoll ka marrë një çmim ka qënë viti 2000, me guatemalasin Augusto Monterroso.

Çmimi "Principe de Astirias" një nga çmimet më të rëndësishme të Spanjës, në edicionet e kaluara është fituar nga autorë si Hoze Hierro, Huan Rulfo, Angel Gonzalez, Mario Vargas Llosa, Kamilo Hoze Cela, Klaudio Rodrigez, Karlos Fuentes, Francisko Umbral, Gynter Gras, Augusto Monterroso, Doris Lesing, Arthur Miller, Zuzan Sontag, Klaudio Magris, Paul Auster dhe Amos Oz, i cili e mori këtë çmim në vitin 2007.

Çmimi "Principe de Asturias në Letërsi, është i gjashti me rradhë që ndahet gjatë këtij viti . Deri tani janë dorëzuar çmimi i Bashkëpunimit ndërkombëtar në Art, i Kërkimit shkencor dhe teknik, Komunikimit dhe njerëzimit dhe Shkencave sociale. Çmimet për Sport priten të ndahen gjatë muajit shtator.

Gates, koha për "log off"

Si u shndërrua nga grumbullues në ofrues parash

Kur historianët e ardhshëm do të
vendosin të rendisin njerëzit më
të rëndësishëm të kohërave,
emri i Bill Gates do të jetë në krye
të listës. Brezat e ardhshëm do ta kujtojnë
si njeriun vizionar që i dha formë e jetë një
teknologjie të re, e dominoi atë me një
sukses të jashtëzakonshëm, si rrallëkush
para tij, për të "braktisur" gjithçka në emër
të filantropisë. Dje, Gates u tërhoq nga
kompania së cilës i dha 24-orëshin e tij në
33 vitet e fundit. Ai nuk do të jetë më në
pozicionin e drejtorit ekzekutiv, por do të
mbetet një pionier i teknologjisë, i cili do
të tentojë me të njëjtin vullnet dhe ambicie
rolin e kryefilantropit të botës, që do
të ketë të bëjë me shpenzimin e duhur të
39 miliardë dollarëve të fondacionit të tij
të bamirësisë. Ky është me siguri një moment
historik, që do të mbahet mend
gjatë dhe për shumë arsye.
William Henry Gates III lindi në 28 tetor
të vitit 1955, në një familje të pasur në Siatëll.
Në fëmijëri kohën e lirë e kalonte
duke luajtur me kompjuterë. Së bashku
me mikun e tij, Paul Allen, në moshën 17-
vjeçare krijuan një program kompjuterik
për mësimdhënien. Shkolla i pagoi për
këtë shpikje dhe Gates me këtë rast futi
në xhep paratë e para nga puna që do ta
bënte njeriun më të pasur të botës. Tre
dhjetëvjeçarë më vonë pasuria e tij është
vlerësuar 58 miliardë dollarë. Për 13 vjet
ai ka qenë njeriu më i pasur i planetit, duke
e humbur titullin vetëm pasi nisi që një
pjesë të parave ta kanalizonte në llogarinë
e fondacionit të tij të bamirësisë. Vetë "Microsoft"
ka vlerën 264 miliardë dollarë, me
një shitje vjetore prej 60 miliardësh.
Sistemi i tij operacional ndodhet thuajse
në çdo kompjuter personal, apo korporatë
në të gjithë botën, duke përmbushur
kështu pikërisht ambicien fillestare të
Gates. Por ky gjigand e kishte edhe një rival,
të vjetër sa edhe vetë ekzistenca e tij,
"Apple", ndaj të cilit, pavarësisht të gjitha
sfidave sot, është mbizotërues. Adoleshentët
Gates dhe Allen u rritën në një epokë
kur si hardware, ashtu edhe software,
ndodheshin në një periudhë zhvillimi e
rritjeje. Në Kaliforni, Steve Jobs dhe Steve
Wozniak kishin nisur të përqendroheshin
tek ideja e madhe që më vonë u shndërrua
në "Apple". Por kur një kompani e
quajtur MITS shpiku "Altair", kompjuterin
e parë të prodhuar në seri dhe u bëri
thirrje programuesve të krijonin për të një
gjuhë programuese, Gates e kapi shansin
dhe kërkoi një takim me shefin e kompanisë.
Pasi ia mbushën mendjen se
mund të krijonin diçka, u punësuan dhe
rezultati i punës së tyre ishte baza e "Microsoft"-
it, kompania që ata themeluan
një vit më pas, kur Gates, me padurimin
për të sjellë në jetë shpikjen e tij, braktisi
studimet në Harvard. Pikërisht në këtë
periudhë krijimtarie intensive Gates vizionoi
kompjuterin në të gjitha shtëpitë
dhe tryezat e amerikanëve. Me këtë vizion
ai bëri për vete edhe mikun e tij të
Harvardit, Steve Ballmer dhe së bashku
krijuan "Microsoft"-in. Bill e Steve që nga
ajo kohë janë gjithmonë bashkë. Qëllimi
i tij fillestar ishte krijimi i një programi të
denjë për një kompjuter të mirë, një program
që të ishte në gjendje të bënte një
punë profesionale. Një nga problemet
më të mëdha me të cilat është përballur
Gates ka qenë beteja kundër akuzave për
monopolizim të tregut. Shembujt e kompanive
që kishin bërë një përpjekje të
tillë në fusha të caktuara ishin të shumta.
I tillë ishte "Standard Oil" i "Rockefeller"-
it, kompani që u shpërbë në vitin
1911 pas betejash të ashpra në gjykatë.
"Rockefeller" ishte një mësim i mirë mbi
praktikat monopoliste për ata që do të
donin t‘i ngjanin. Ai i "shkërmoqte" rivalët
nëse ata nuk u bindeshin rregullave
të tij, apo nuk ia shisnin kompanitë. Në
fund ai zotëronte 90% të industrisë së
naftës amerikane. Edhe "Microsoft" i
shkoi fare pranë këtij rasti në vitin 2000,
kur një gjykatë amerikane vendosi se
Gates kishte shkelur ligjet e konkurrencës
në përpjekjen e tij për të shndërruar
Internet Explorer si dominant në
treg, duke shkatërruar ekzistencën e
"Netscape" që në fillimet e saj. Që nga ajo
periudhë, si në Amerikë, ashtu edhe në
Evropë, "Microsoft" ka kaluar shumë
beteja ligjore. Këtë vit, Bashkimi Evropian
e gjobiti me shifrën rekord prej 899
milionë dollarësh, pikërisht për shkelje
të ligjit anti-monopol. Si për ironi të fatit,
pikërisht në këtë moment, kur Gates po
le "Microsoft"-in, një tjetër dyshe vizionare,
themeluesit e "Google", Sergey Brin
dhe Larry Page, po ofrojnë programe
përmes të cilave konsumatorët dhe bizneset
mund të operojnë drejtpërsëdrejti
në internet pa pasur nevojë të instalojnë
në kompjuter programe. Përparimi
i "Google" dhe miliardat e tij edhe nga
reklamat on-line kanë bërë që disa analistë
të parashikojnë një të ardhme jo fort
të ndritur për "Microsoft"-in, të cilit nga
ana e tij iu deshën 5 vjet për të sjellë në
treg versionin e ri të Windows, që doli se
ishte thjesht një përmirësim i versionit të
vjetër dhe jo një program tërësisht novativ.
Për sa kohë që Gates ka qenë në krye
të punëve të kompanisë, ajo ka shkuar
mbarë, por tani ekziston frika e ikjes së shkencëtarëve
të shkëlqyer prej saj pas ofertave
më të mira nga kompani të tjera në
lulëzim e sipër. Gates po e lë punën në një
periudhë relativisht kritike. Ky ishte momenti
i largimit përfundimtar të Gates, por
ky fund ishte paralajmëruar që dy vjet më
parë, me deklaratat e tij se do të niste pak
nga pak tërheqjen nga pozicionet kyçe,
për t‘i kushtuar më shumë kohë drejtimit
të fondacionit. Që nga korriku i vitit 2006,
figura të tilla si Ray Ozzie, krijuesi i "Lotus
Notes" dhe Craig Mundie, konsiderohen
si vizionarët e rinj të programimit dhe gjëja
e fundit që i duhej tani "Microsoft"-it
është dalja e plotë nga skena e Gates.
Romanca e Billit: Si u takua
me Melindën
Në verën e vitit 1986, e sapo diplomuar
në Universitetin Duke në shkencat kompjuterike
dhe ekonomi, Melinda Ann
French kishte nisur një punë si stazhiere
në kompaninë IBM. Një mikeshës së saj
ajo i kishte thënë se do të bënte një intervistë
me përfaqësuesin e një kompanie
me emrin "Microsoft". Shoqja e kishte
këshilluar që nëse do t‘i ofrohej ndonjë
punë nga kompania, duhej të pranonte,
sepse ajo ishte një kompani gjithnjë e në
rritje. Melinda nisi punë aty dhe brenda 6
vjetësh, nga menaxhere e prodhimeve, u
shndërrua në menaxhere informacioni
për produkte të tilla si Encarta apo Expedia,
por gjëja më e rëndësishme ishte vendi
që kishte zënë në zemrën e shefit ekzekutiv,
Bill Gates, i cili shumë shpejt do të
bëhej njeriu më i pasur i botës. Sot Melinda
është një nga gratë më të pasura të
botës, me të drejtën e përdorimit të 80
miliardë dollarëve. E mençur, me një trup
të formuar mirë, me një përkushtim ndaj
çdo gjëje që bën, Melinda është shumë e
dhënë pas bamirësive. Ka lindur në vitin
1964, është rritur në Teksas dhe është e
bija e një inxhinieri. Në shkollë ajo ishte
gjithmonë ndër nxënëset dhe studentet
e dedikuara. Ballafaqimin e parë me
botën e kompjuterit e pati në moshën 14-
vjeçare, kur i ati i solli në shtëpi një "Apple
II", një nga të parët që dolën në shitje
për konsumatorët. Asaj i pëlqente të luante
lojëra në kompjuter dhe të mësonte
mbi gjuhët bazë të programimit. Për
Gates ishte gjithmonë kënaqësi të thoshte
se e shoqja kishte një shkollim më të
mirë se ai, pasi vetë Bill i la studimet
përgjysmë. Takimin e parë çifti e pati në
vitin 1987. Ajo kishte katër muaj që
punonte në kompani dhe një darkë, pas
një ekspozite, rastisi që t‘i kishin vendet
pranë. "Nuk mund ta imagjinoja se ai ishte
një person me humor", thotë më vonë
Melinda, që e kishte imagjinuar shefin e
madh si një njeri të sertë. Që nga ajo natë
kaluan disa muaj para se Bill t‘i kërkonte
të dilnin bashkë. Kjo nuk ndodhi menjëherë,
por pas dy javësh. Pasi për dy javë
ai e kishte axhendën të mbushur plot
dhe nuk kishte kohë as të vinte gjumë në
sy. Sipas Gates, gjëja kryesore që e tërhoqi
te Melinda ishte sensi i saj i pavarësisë.
Ishte Melinda ajo që e prezantoi më së
pari me botën e filantropisë. Pas fejesës
në vitin 1993, e ëma e Melindës u sëmur
nga kanceri në gji dhe në një letër të gjatë
që ajo i shkruan të bijës, ndër të tjera thuhej:
"Prej atyre që u është dhënë shumë,
pritet që të japin edhe më shumë". E ëma
e Melindës vdiq disa muaj më pas, por
këshilla e saj ishte në qendër të krijimit
të fondacionit "William Gates", i drejtuar
nga babai i Billit. Qëllimi i tij ishte që të
çonte lap topin në çdo klasë. Më pas çifti
vendosi që çështja më e rëndësishme në
Shtetet e Bashkuara ishte sistemi arsimor.
Pas dasmës së tyre në Hawai, Melinda
lexoi në "New York Times" për miliona
fëmijë që vdesin në botë nga sëmundjet
ngjitëse, si malaria dhe tuberkulozi. Kësisoj,
varfëria në botë u bë një nga
shqetësimet e saj kryesore. Sot, Melinda
i kushton 30 orë punë në javë fondacionit.
"Ne kemi shumë kërkesa, por japim
kontributin tonë vetëm në rastet shumë
në nevojë dhe ku bëhet fjala për ndryshime
masive dhe të dukshme", është
shprehur Melinda në një intervistë për
revistën "Forbes". Fondacioni është i
lidhur gjithashtu edhe me kompani të
tjera dhe shoqata bamirëse për kryerjen e
projekteve të mëdha të donacioneve që
kapin shifra me miliona, e në disa raste
miliarda dollarësh. Melinda është gruaja
që ndodhet në krye të fondacionit më të
madh bamirës të botës. Ajo është vajza e
shkëlqyer, një alpiniste e pasionuar, nënë
e tre fëmijëve dhe një grua me zemër të
madhe e të dhimbsur. Ndërsa Bill është
truri i gjithçkaje, Melinda është zemra.
Komforti shtëpiak: vila m e
shtrenjt e shtrenjtë e botës
Banesa e familjes Gates është një shtëpi
jashtëzakonisht e madhe, që ndodhet
në periferi të liqenit Washington.
Ndër ambientet më të mëdha të saj janë
dhoma e bibliotekës, pishina, garazhi me
një hapësirë që mund të nxërë 30 makina
dhe një rrjet të jashtëzakonshëm kompjuterik.
Vlera totale e shtëpisë me
gjithë pajisjet brenda saj është 113 milionë
dollarë dhe taksa vjetore e pronës
është 1 milion dollarë. Gates iu deshën 7
vjet për ta bërë këtë shtëpi ashtu siç është
sot. Pjesa më e madhe e saj ndodhet
nën tokë. Në të ka edhe një dhomë kinemaje
dhe lojërash kompjuterike. Kur
Melinda hyri në këtë shtëpi për herë të
parë, iu duk vetja se ishte futur në një
videolojë. Menjëherë pas dasmës ajo
thirri me urgjencë një arkitekt për ta rimodeluar,
rikonceptuar dhe shndërruar
në një shtëpi familjare, ku do të rriteshin
të lumtur tre fëmijët që erdhën në jetë.
Milionat e Billit
"Kush vdes i pasur është fatkeq" shkroi
në vitin 1889 manjati amerikan, Andre
Carnegie. Për të vënë në praktikë
predikimin e tij, ai në vitet e fundit dha
dorëheqjen nga drejtimi i përditshëm i
industrisë së çelikut dhe ia dedikoi kohën
dhe veten ndërtimit të librarive të mëdha
publike në Britaninë e Madhe dhe Shtetet
e Bashkuara të Amerikës, themelimit
të Universitetit të Birminghamit dhe të
famshmit "Carnegie Hall". Shembulli i tij
vlejti për shumë të tjerë që iu dhanë filantropisë
pas tij. Si Carnegie, ashtu edhe
Gates është i vendosur që të japë për bamirësi
miliardat që fitoi gjatë viteve të suksesit
të "Microsoft"-it. Fondacioni i bamirësisë
është "Bill dhe Melinda Gates", i
themeluar në vitin 2000 dhe Bill planifikon
që ta drejtojë vetë fondacionin. Korporata
"Carnegie" vazhdon edhe sot e
kësaj dite misionin e saj bamirës, edhe pse
shumë sektorë kanë devijuar nga ideja
primare. Dedikimi i Billit është përforcuar
edhe nga ai i një tjetër njeriu të pasur, një
tjetër miliarderi amerikan, Warren Buffet,
i cili në vitin 2006 dërgoi në llogari të fondacionit
të Gates shumën 44 miliardë dollarë.
Disa pasanikë preferojnë që t‘i bëjnë
publike përpjekjet e tyre filantropike. Të
tjerë, të tillë si David Astor, edhe pse gjatë
gjithë jetës dhanë miliona për bamirësi,
nuk preferuan kurrë që të bëheshin të
ditura shumat dhe destinacionet e përfituesve
të tyre. Sigurisht që heshtja duhet
të jetë një karakteristikë e bamirësisë
së vërtetë, por janë të paktë ata njerëz që
heshtin kur bëjnë një të mirë. Më së shumti
pasanikët vazhdojnë që të publikojnë
shumat e parave. I tillë është edhe Bill
Gates. Fondacioni "Bill dhe Melinda" ka
dy zona kryesore fokusimi: novacionin në
fushat e shëndetit publik dhe arsimin.
Investimet e fondacionit në shkolla janë
të shumta për sa u përket librarive dhe
teknologjisë. Më pas ka programe
konkrete për luftën kundër malaries dhe
varfërisë në botë. Aktualisht fondacioni ka
në fondin e tij 37.3 miliardë dollarë. Deri
tani janë shpenzuar 16.5 miliardë në
formë grantesh dhe programesh.

Takim mes përfaqësuesve të Odave ekonomike të Maqedonisë dhe Shqipërisë

DETI I SHQIPËRISË ËSHTË EDHE I MAQEDONISË

“Jemi këtu për të ndihmuar biznesin maqedonas dhe atë shqiptar që të komunikojnë në mënyrë të shkurtë dhe të sinqertë. Ndërsa sa i takon turizmit dua t’u them se deti i Shqipërisë është edhe deti i Maqedonisë. Këtë vit janë bërë shumë investime në infrastrukturë, po bëhet një rrugë e kategorisë së parë nga bregdeti i Vlorës në Sarandë dhe janë marrë të gjitha masat që të mos mungoj asnjë sekond energjia elektrike”, tha kryetari I Odës së tregëtis dhe industrisë së Shqipërisë IlirZhilla.

Midis dy Odave ekonomike asaj të Maqedonisë dhe Shqipërisë egzistojnë marrdhënje shumë të mira në interes të qytetarëve, rezimoi Ilir Zhilla kryetari i Odës së Tregëtis dhe Industrisë së Shqipërisë gjatë prezentimit të programit “Porta e Evropës drejt Ballkanit”.

Sipas tij, Shqipëria dhe Maqedonia janë dy vende të vogla dhe nuk do t’i nxjerrin probleme njëri tjetrit, e vecanërisht në fushën ekonomike.

“Jemi këtu për të ndihmuar biznesin maqedonas dhe atë shqiptar që të komunikojnë në mënyrë të shkurtë dhe të sinqertë. Ndërsa sa i takon turizmit dua t’u them se deti i Shqipërisë është edhe i Maqedonisë. Këtë vit janë bërë shumë investime në infrastrukturë. Po bëhet një rrugë e kategorisë së parë nga bregdeti i Vlorës në Sarandë dhe janë marrë të gjitha masat që të mos mungoj asnjë sekond energjia elektrike”, tha Zhilla.

Ai njëherësh njohtoi se edhe biznesin hotilerik ka marrë të gjitha masat dhe i mirpresin turistët nga Maqedonia.

Për cdo vit numri i turistëve që i kalojnë pushimet në bregdetin shqiptar gjithnji e më tepër po rritet, këtë e presim edhe këtë vit tha kryetari i Odës së Tregëtisë dhe Industrisë së Shqipërisë.

Gjatë prezentimit të programit që kishtë të bëj më qytetin bregdetar të Durrësit i pranishëm ishte edhe drejtori i përgjithshëm i Portit të Durrësit Eduard Ndreu.

Sipas tij ky port është alternativë shtesë për biznismenët nga Maqedonia.

“Duhet të potencoj se ky port ka pësuar ndryshime rrenjësore, pikërisht vizita jonë këtu është për ti prezentuar të arriturat tona në fushën e biznesit dhe turizmit pastaj e drejta e juaj është se cilin do ta zgjedhni. Biznismenë e Maqedonis janë prezent në këtë port dhe e shfrytëzojnë portin e Durrësit por ne shpresojmë që numri i tyre edhe më tëj të rritet”, njohtoi drejtori Ndreu.

Ai potencoi se në këtë port dominon siguria apsolute dhe se biznismenët mallrat e tyre do ti kënë të sigurta.

Në kudar të kësaj shumë shpejt në Shkup do të hapet përfaqësi në Shkup më qëllim që biznesi maqedonas të marrë informacione të shpejta dhe të sakta.

Në Hanin Kurshumli


HASANAGINICA

Të mërkurën me fillim në ora 21:30 në Hanin Kurshumli do të shfaqet premiera “Hasanaginica” e regjisorit Sasho Milenkovski, shfaqje kjo e dyta me rradhë për vitin 2008 me cka me shfaqen e tretë që do të jepët së shpejti do të mbyllet projekti për sezonin e parë, informoi drejtori i Teatrit Shqiptar të Shkupit, Muzbajdin Qamili.

“Teksti është i Millan Ogrizoviq ndërsa adoptimi, skenografia dhe regjia e Sasho Milenkovskit. Në rolet kryesore luajnë: e shoqja e Hasan Agës- Teuta Ajdini – Jegeni; Hasan Aga- Sefedin Nuredini, Begu Pintor-Vebi Qerimi; Unihanemja-Elhame Bilalli; Merima-Amernis Nikoshiqi Jovanovska; Kadia i Imotskut- Ylber Murtezi; Ibrahimi- Besfort Idrizi; Hysref- Visar Etemi dhe Hyseni- Blerim Dardhishta”, informoi drejtori Qamili.

Iden e tekstit e ka dhënë aktorja Teuta Ajdini Jegeni dhe kjo qw e realizuam ishte rastësi tha regjisori i shfaqjes, Sasho Milenkovski.

“Bëhet fjalë për një mit ballkanik që i takon periudhës para katër e më shumë shekujsh. Tekstin që do ta dëgjoni në skenën e Hanit Kurshumli për herë të parë është botuar në librin e udhërrëfyesit dhe etnografit italian Alberto Fortis duke e quajtur “baladë lirike”. Prej asaj kohe fillojnë të paraqiten përkthime të kësaj kënge në disa gjuhë dhe atë nga mediat më të mëdha të asaj kohe.” Hasanaginica” do ti qartësoj disa cështje mes marrdhënjeve burrë e grua dhe shoqërisë patriakale. Mendoj se emancipimi i femrës sot nuk është problem por emanicipimi i mashkullit”, bëri me dije regjisori Milenkovski.

Ai e vlersoi lartë punën e Teatrit Shqiptar të Shkupit dhe shprehet i kënaqur me atë se si funksionon, ka aktor fenomenal dhe staf të përkryer, vlersoi regjisori i “Hasanaginicës”.

Një ditë pikërisht këtë tekst ja propozova drejtorit dhe t’u them të drejtën qysh moti kam shprehur dëshirën që ta luaj të shoqen e Hasan Agës, njohtoi aktorja Teuta Ajdini Jegeni.

“Është një dukuri që kohëen e fundit jo me fajin tonë shfaqjet shihen pak, prandaj mendova se si të risim numrin e publikut, jam e bindur se kjo shfaqje do ta zgjidh këtë problem”, tha Jegeni.

Ndëra aktori Sefedin Nuredini tha se është e vështirë të bisedohet dy ditë para premierës por ai është i sigurt se të mërkurën do ta japin provimin.

“Hasanaginca”, të mërkurën mbrëma u shfaq para publikut shkupjan

MITI E RINGJALLI HANIN KURSHUMLI

Të asoconte se jemi në kohën e osmanlinjëve. Këtë e bën edhe më të qartë dahiret, këngët dhe objekti. Nje shfaqje e tillë i kish munguar publikut shqiptar dhe Hanit Kurshumli, u shprehën shikuesit.

Teatri Shqiptar i Shkupit të mërkurën vuri në skenë veprën e Millan Ogrizoviq “Hasanaginica” me regji të Sasho Milenkovskit.

Hasan Aga i cili ka luftuar plagoset dhe kthehet për t’u shëruar në sarajet e tij, pret që të del Hasanaginica por në vend të saj kurimin e kryejnë nëna dhe motra e tij.

Nga ky gjest Hasan Aga kërkon që bashkëshortja e tij t’i lëshoj sarajet. Hasanaginica kur e dëgjon këtë lajm tenton të bëj vetvrasje por nuk e lejon vëllahu i saj, i cili e merrë në shtëpi. Për një kohë të shkurtër vëllai e marrton për një burrë të pasur.

Para se të shkoj te burri i dytë ajo duhet të përshëndetet me sarajet dhe fëmijën. Përshendetet me sarajet por me fëmijën nuk arrin sepse nuk e lejon zemra prandaj vdes mbi djepin e fëmijës.

Në rolin e Hasan Agës luajti aktori Sefedin Nuredini, bashkëshorten e Hasan Agës, Teuta Ajdini Jegeni dhe vjehrën Elahame Bilalli.

“Roli im ka mjaftë momente emocionale por edhe dramatike.Kur na besohet një rol ne aktorëve duhet sadopak të përputhet me karakterin tonë ndaj ky rol mua më përputheshte.Nuk do të vecoja asnjë moment pasi që nga fillimi e deri në fund rolin të tërin e kam përzemër”, tha ideatorja dhe aktorja e shfaqjes “Hasaniginiga”, Teuta Ajdini Jegeni.

“Tema e shfaqjes është emancipimi i burrit dhe jo i gruas dhe sa do të flitet për një kohë të kaluar kjo vashdon edhe sot. Me vet faktin se kemi malltretime të ndryshme të femrave pra në përgjithësi statusi i tyre akoma nuk është i siguruar”, vlersoi aktori Nuredini pas shfaqjes.

Ndërsa aktorja më e vjetër e cila ka 40 vite që ushtron këtë profesion për rolin tha:”

Luaj rolin e nënës së Hasna Agës apo vjehrën e cila është shumë e ashpër. Ajo edhe për publikun ka lënë mbresa të këqia sepse i tërë faji bie mbi vjehrën dhe të gjithë më akuzojnë mua se e nxjer nusen prej shtëpije”, tha aktorja 60 vjece, Elhame Bilalli.

Miti “Hasanaginica”, atë natë e ringjalli Hanin Kurshumli, të asoconte se jemi në kohën e osmanlinjëve. Këtë e bën edhe më të qartë dahiret, këngët dhe objekti. Nje shfaqje e tillë i kish munguar publikut shqiptar dhe Hanit Kurshumli, u shprehën shikuesit.

Ritransmetimi do të jetë në shtator.

Wednesday, June 25, 2008

Shpina, një ditë do na dhembë të gjithëve

Shpesh shkaqet e shqetësimeve janë të ndryshme nga ato që ne mendojmë

Sipas një statistike të fundit, në Evropë 4 ndër 5 persona vuajnë nga dhimbjet e shpinës. Por jo gjithmonë vuajtja vjen nga shkaqet që mendojmë.


Sot në mëngjes me siguri që nuk je menduar dy herë para se të ngrije çantën e rëndë e ta vendosje mbi shpatulla, ndërkohë që tentoje të mbyllje derën me njërën dorë dhe me tjetrën të fusje në gojë një patatinë. Mund të vijë një ditë kur qoftë edhe një prej këtyre veprimeve të thjeshta e të përditshme mund të të shkaktojë një dhimbje të tillë shpine, aq të dhimbshme, sa të të çojë direkt te mjeku për vizitë, në më të mirën e rasteve. Ka edhe nga ata që sigurisht për arsye kohe a arsye personale reagojnë ndaj dhimbjeve vetëm duke përdorur qetësues. Një pjesë e madhe prej nesh herët ose vonë do të nisin të kenë simptomat e dhimbjes së shpinës. Por kjo nuk është një situatë fatale, pasi mjafton të jesh i kujdesshëm e të kesh parasysh disa këshilla që të mos bëhesh pjesë e statistikës. Ka shumë këshilla që i dëgjojmë lart e poshtë, të cilat nuk janë të duhurat dhe nuk na ndihmojnë që të arrijmë rezultatin pozitiv. Ja disa syresh që mund t‘ju vijnë shumë në ndihmë në vitet në vijim.


A ju shkakton dhimbje shpine ngritja e peshave të rënda?

Një pjesë e madhe e dëmtimeve shkaktohet jo nga ngritja e peshave të rënda, por nga mënyra se si bëhet një veprim i tillë. Po kështu, ne kryejmë shpesh veprime të shpejta e të pamenduara, që lënë pasoja, në mos të menjëhershme, afatgjata. Të tilla janë rastet kur përkulemi shumë mbi kompjuter, kur e kthejmë kokën befasisht shumë shpejt, apo kur ngremë një peshë pa u menduar mirë dhe në mënyrë të menjëhershme. Këto veprime janë të gabuara dhe në kohën e gabuar. Kështu, në rast se do të duam të ngremë një ngarkesë dhe njëherazi të mos kemi dëmtim, duhet të veprojmë në këtë mënyrë: të qëndrojmë me kurrizin drejt, të marrim objektin duke e afruar me ngadalë drejt trupit dhe ta shpërndajmë gradualisht peshën në të gjithë trupin. Kështu do angazhojmë gjithë muskulaturën, e jo vetëm atë të shpatullave e kurrizit, në mënyrë që kur ta kemi ngarkesën mbi krahë, i gjithë trupi të jetë në "dijeni" të rëndesës e ta përballojë si një i vetëm. Por kjo nuk vlen vetëm për sendet e rënda. Edhe për marrjen e një pene të vogël nga dyshemeja duhet bërë kujdes. Pra, mbani mend se më e rëndësishme se pesha e një objekti është mënyra e marrjes së tij.

A na ndihmon të ulurit me kurrizin e drejtuar për të shmangur dhimbjet në të ardhme?

E mbani mend mamanë kur ju thoshte, ndërsa qëndronit para kompjuterit, që të mbanit kurrizin drejt, në një kënd 90 gradë? Sipas studimeve të fundit, ata që e kanë dëgjuar një këshillë të tillë kanë më shumë mundësi për t‘u prekur nga dhimbja e kurrizit, se sa ata që kanë qëndruar në një kënd prej 135 gradësh. Këshilla në këtë rast është ndryshimi i shpeshtë i pozicionit kur jemi ulur dhe jo qëndrimi në të njëjtin pozicion për një kohë të gjatë. Mungesa e lëvizjes është po aq problematike sa edhe lëvizjet e tepruara, duke qenë se qëndrimi në të njëjtin pozicion për një periudhë të gjatë shkakton shumë presion në rruazat e shtyllës kurrizore. Nëse kalon një pjesë të madhe të kohës në tryezë, mundohu që të ndryshosh vazhdimisht qëndrim. Më i miri do të ishte një qëndrim me këmbët gjysmë të hapura dhe kurrizin në një kënd 135 gradë. Kjo të ndihmon që të shpërndash peshën e trupit. Por, pavarësisht mënyrave të qëndrimit dhe ndryshimit të vazhdueshëm të tij, këshillohet që çdo 40 minuta të ngrihesh nga tryeza e të bësh një ecje të shkurtër.

A janë të dobishme mjekimet alternative?

Në disa raste mjekimet alternative mund të jenë më të efektshme se terapia konvencionale. Një studim i fundit gjerman zbuloi se më shumë se gjysma e pacientëve me probleme të dhimbjes së shpinës, që kishin kryer seksione agupunturë te mjekët kinezë, kishin pasur shumë përmirësime të gjendjes së tyre shëndetësore. Ky lloj mjekimi alternativ shton fluksin e gjakut dhe qarkullimin e tij në zonat e prekura, duke vënë në punë edhe gjëndra të caktuara që lëshojnë lëngje hormonale qetësuese. Terapitë alternative e bazojnë kurimin e tyre tek ideja se shkaku i dhimbjes së shpinës është zhvendosja e vertebrave të shtyllës kurrizore, ndaj edhe përqendrimi është i gjithi te vertebrat. Gjatë procedurës, mbi shpinë aplikohet një peshë jo shumë e madhe, e cila nëse fokusohet në vendin e duhur arrin të japë shumë rezultat dhe të çojë në vend vertebrat.

Cili shtrat do të ishte më i miri?

Ka shumë mundësi që pikërisht shtrati ku flini të jetë edhe burimi i dhimbjeve tuaja. Nëse arrini të gjeni dyshekun e përshtatshëm, do të ishit me të vërtetë i fituar. Por cili është ai? Nëse do të kishit një dyshek shumë të butë, nuk do ishte mirë, sepse trupi do të krijonte gunga. Edhe nëse do të merrnit një dyshek të fortë, presioni mbi trupin tuaj do të rritej e si pasojë vjen tendosja e dhimbjet. Sipas një studimi, personat që flenë në një dyshek gjysmë të fortë kanë më shumë shanse të jenë të shëndetshëm dhe të përjetojnë më pak dhimbje nga ata që flenë ose në dyshek shumë të butë, ose e kundërta.

Këshilla për shpinën: Çfarë duhet të bëni kur jeni në krizë?

24 orëshi i parë

Është shumë e vështirë që të përcaktohet një diagnozë ditën e parë të dhimbjeve akute, pasi zona e prekur është e infektuar. Substancat inflamatore janë si zamka, pra i ngjisin bashkë fibrat muskulore, duke e reduktuar në maksimum lëvizjen. Çelësi i suksesit është që ta marrësh shtruar dhe të qëndrosh shtrirë, nëse ke mundësi. Në momentin e parë janë të dobishme medikamentet anti-inflamatore, si aspirina apo ibuprofeni. Në vendin ku ke dhimbje mund të vendosësh kubikë akulli. Kjo do të ndalojë substancat inflamatore që të hyjnë në ind dhe do përshpejtojë shërimin.

Dita e dytë

Shpina juaj mund të jetë më shumë e nxirë, se sa të të japë dhembje dhe kjo është shenjë e fillimit të shërimit. Vazhdoni ta merrni shtruar, por ndërkohë përpiquni që të lëvizni për të stimuluar qarkullimin. Gjithmonë dëgjoni atë që ju "thotë" trupi, pasi trupi gjithmonë, nëse ne dimë ta dëgjojmë, na thotë gjëra të dobishme. Disa lloje dhimbjesh (zakonisht dhimbjet muskulore) nisin të qetësohen pas lëvizjeve dhe fërkimeve të buta, por të tjerat (zakonisht dhimbjet e nervave) janë më të dhimbshme. Nëse konstatoni se gjendja përkeqësohet, atëherë duhet të mos lëvizni shumë e të riktheheni në shtrat.

Dita e tretë

Kjo është një periudhë shumë e rëndësishme. Nëse intensiteti i simptomave është në rritje, atëherë dhimbja nuk do të kalojë vetiu, por ju do të keni nevojë për një specialist. Nëse keni më shumë një shqetësim, se sa një dhimbje të mirëfilltë, atëherë në vend të akullit që duhet të përdornit në fillim, duhet ta trajtoni veten me ujë të nxehtë në zonën e dhimbjes. Nëse gjithsesi dhimbja përkeqësohet, duhet të takoni mjekun.

Shkrimtari Ismail Kadare, kandidat për çmimin "Principe de Austrias" në Spanjë

Tirane 25 qershor (MIA) - Shkrimtari shqiptar Ismail Kadare është nominuar si kandidat për çmimin "Principe de Asturias", një çmim që pritet të shpallet sot nga Juria e Fondacionit "Principe de Asturias" në Oviedo (Spanjë), njofton ATSH-ja.

Duke ju referuar të përditshmes spanjolle "El Pais", finalistët e edicionit të vitit 2008 janë shkrimtari shqiptar Ismail Kadare, kanadezi Margaret Atuod, britaniku Ian MekEuan dhe spanjolli Huan Goytisolo, të cilët u përzgjodhën ndër 32 propozime, të cilët vijnë nga 24 vende.

Jorge Semprun, Andres Trapiello, uruguajani Eduardo Galeano, japonezi Haruki Murakami, poeti libanez Ali Ahmad Said, Adonis, koreani Ko Un, italiani Antonio Tabuçi dhe amerikani Riçard Ford ishin disa nga kandidatët e çmimit të cilët nuk kanë mundur të kalojnë seleksionimin e fundit.

ATSH-ja njofton, se gjatë diskutimeve të jurisë në këtë edicion është debatuar që në këtë çmim të përfshiheshin apo jo vetëm autorët e gjuhës spanjolle apo edhe kandidaturat në gjuhë të tjera . Hera e fundit kur një autor spanjoll ka marrë një çmim ka qënë viti 2000, me guatemalasin Augusto Monterroso.

Çmimi "Principe de Astirias" një nga çmimet më të rëndësishme të Spanjës, në edicionet e kaluara është fituar nga autorë si Hoze Hierro, Huan Rulfo, Angel Gonzalez, Mario Vargas Llosa, Kamilo Hoze Cela, Klaudio Rodrigez, Karlos Fuentes, Francisko Umbral, Gynter Gras, Augusto Monterroso, Doris Lesing, Arthur Miller, Zuzan Sontag, Klaudio Magris, Paul Auster dhe Amos Oz, i cili e mori këtë çmim në vitin 2007.

Çmimi "Principe de Asturias në Letërsi, është i gjashti me rradhë që ndahet gjatë këtij viti . Deri tani janë dorëzuar çmimi i Bashkëpunimit ndërkombëtar në Art, i Kërkimit shkencor dhe teknik, Komunikimit dhe njerëzimit dhe Shkencave sociale. Çmimet për Sport priten të ndahen gjatë muajit shtator.

Thursday, June 19, 2008

Optimistët jetojnë më gjatë

Përpara një gote të mbushur përgjysmë ka nga ata që shohin gjysmën bosh dhe këta janë pesimistët. Të tjerët që shohin gjysmën e mbushur janë optimistët.

Tentativat për të thënë që gota është përgjysmë vijnë nga disa individë që nuk rroken nga emocionet e realitetit. Individë që kërkojnë të japin një përshkrim të thjeshtë dhe vetëm teknik.

Luigi Anolli, docent në universitetin e Milanos, ekspert në shkencat e komunikimit dhe në psikologji e quan këtë sjellje “realitet mbrojtës”. Në fakt, për shumicën prej nesh është e pamundur të mos vlerësosh pozitivizmin nga negativizmi, në çfarëdolloj rrethane.

Optimizmi është një vizion i jetës që nxjerr në pah aspektet pozitive dhe të qëndrueshme, por pa fshehur aspektet negative. Nëse nuk do të ishte kështu, atëherë do të ishim përballë një optimizmi ireal, që në fund sjell stres dhe që mund të bëhet obsesion.

Ka edhe një formë të veçantë të pesimizmit, shfaqur nga disa që gjithmonë Anolli e

quan “pesimizmi mbrojtës”, e që shfaqet në personat që shoqërohen nga ankthi, gjithmonë të shqetësuar, edhe tej masës ndaj së ardhmes.

Kjo sipas studiuesit ka të bëjë me të menduarit gjithmonë për më te keqen dhe për të dekurajuar veten.

Atëherë si ta përcaktojmë optimizmin?

Është padiskutim e kundërta e asaj që thamë më sipër. Ndjenja pozitive, gjallëri, alegri dhe kënaqësi. Është lehtësisht më optimist një njeri që kënaqet me rezultatet që ka arritur në jetën e tij. Një person që jo gjithmonë ngulmon në mënyrë të frikshme tek perfeksioni, por që di t’i pranojë vetes edhe defektet.

Të jesh optimist do të thotë të arrish zgjidhje në vështirësi dhe ndryshueshmëri, të shohësh aspektet pozitive dhe të impenjohesh për t’i dhënë një kuptim pozitiv jetës, pavarësisht periudhave të pafata që mund të kalosh në jetë.

Optimistët kanë gjithmonë një cilësi që psikologët e quajnë autoefektivitet, që do të thotë; besimi që sjelljet e tyre, të mbushura me efekte pozitive do të arrijnë të modifikojnë një raport apo një situatë problematike dhe t’i kapërcejnë pengesat.

Tashmë, sipas studimeve është provuar se kush i përballon me optimizëm studimet për shembull, i kalon më mirë provimet dhe dekurajohet më pak, sepse për optimistët e vërtetë, nuk është thelbësore rezultati në vetvete, por synimi që t’ia dalin. Dhe në fakt, ata kënaqen edhe me një rezultat sado sipërfaqësor.

Sepse ata dinë të bëjnë balancën e faktorëve të riskut në çdo projekt dhe të marrin në konsideratë rrugë alternative që çojnë gjithsesi në rezultat. Optimisti, sipas studiuesve është fleksibël.

Përpos mendimit pozitiv, ai di të mos i dramatizojë vështirësitë dhe në këtë mënyrë nuk arrin të humbasë kontrollin. Ai di ta vërë veten në vendin e duhur dhe nëse përballet me probleme di të vlerësojë

Në fund, ankthi, është shumë herë më i pranishëm tek pesimistët se tek optimistët, dhe këta padiskutim jetojnë më gjatë. Kështu, që bëni kurajë!

Banania e gjithanshme!


Banania është mirë e njohur si burim i kaliumit, mirëpo shumë pak dihet se ajo ndihmon në parandalimin e paraqitjes së puçrrave, aciditetit të stomakut dhe sëmundjeve kardiovaskulare. Një studim I ri ka treguar se banania pengon oksidimin e LDL-kolesterolit, i cili është proces fillestar I aterosklerozës. Në studim kanë marrë pjesë 20 vullnetarë të cilët kanë ngrënë nga 400g banane, e cila ka reduktuar tresin oksidativ të plazmës së gjakut vetëm disa orë pas konsumimit të pemës tropikale.

Si do të duket MEGANE COUPE?

Francezët qe një kohë janë duke bërë teste të kupesë së re të modelit Megane.

Edhe pse automjeti i ri nuk do të jetë aq avangardë sa edhe shembulli konceptual me dyert gullwing, megjithatë, gjykuar sipas skicave te cilat janë krijuar në bazë të informative të afërme me prodhuesin, do të duhej të ishte shumë atraktiv.
Dizajni i jashtëm do të dallohet nga pjesët e dala e të shkurtra, maska asimetrike dhe pjesa e prapme e formësuar në stilin e Alfa Breras.

Modeli më i fuqishëm do të duhet të ishte R26 me motorin dylitërsh turbo dhe fuqi prej 230 KF.

Paraqitja zyrtare e kupesë atraktive franceze është paralajmëruar për panairin e sivjetmë të automjeteve në Paris, i cili mbahet në tetor të këtij viti.

VLORA

Sezoni turistik për qytetin e Vlorës do të çelet të shtunën e dytë të muajit Maj, këtë e ka konfirmuar drejtori i Drejtorisë së Turizmit Kulturës Rinisë dhe Sporteve pranë Bashkisë Vlorë, zoti Ilir Metaj. Ai ka folur për përparësitë dhe programet që ekzistojnë për këtë sezon turistik veror,

të mirëorganizuara nga stafi pranë kësaj bashkie dhe ka premtuar për zhvillimin e një serë aktivitetesh të larmishme kulturore, artistike, sportive , etj, duke garantuar në të njëjtën kohë se këto aktivitete do të përfshijnë të gjitha moshat. Sipas drejtorit Metaj, qyteti i Vlorës përveç resurseve natyrore që ofron është tërheqës edhe për shkak të cilësive të mikpritjes, të bashkëpunimit të Bashkisë Vlorë me operatorët turistikë, të plazheve të pastra dhe të bukura, por dhe falë organizimit të aktiviteteve të gjithanshme kulturore, sportive, etj. Zoti Metaj tha “se e shtuna e dytë e muajit maj përkon pikërisht me çeljen e sezonit turistik veror, miratuar nga Këshilli Bashkiak . Kuptohet kjo është një periudhë ose më mirë të themi janë disa ditë ku Bashkia Vlorë do të promovojë një sezon turistik joshës të qytetit të Vlorës, jo vetëm për bukuritë natyrore që ajo zotëron, por edhe për shkak të cilësive të tjera që janë të dallueshme nga qytete të tjera të Shqipërisë siç janë mikpritja e njerëzve të saj por dhe të aktiviteteve të shumta që do të zhvillohen gjatë sezonit turistik, por s’mund të lë këtu pa përmendur gastronominë mjaft të mirë dhe çmimin e cilësisë hoteliere të Vlorës.”
Ndërkaq Meta ka folur dhe për nivelin e urave të bashkëpunimit midis Bashkisë Vlorë dhe Ministrisë së Turizmit Kulturës Rinisë dhe Sporteve për rehabilitimin e Plazhit të Vjetër si dhe për pengesat trevjeçare për ta pastruar dhe për ta bërë atë plazh funksional. Ai thotë se “bashkëpunimit midis Bashkisë Vlorë dhe Ministrisë së Turizmit Kulturës Rinisë dhe Sporteve është mjaft i ulët dhe ndihmat financiare përfshijnë vlerën zero lekë të reja, kjo jo për shkak të problemeve që kanë të bëjnë me Bashkinë Vlorë, por pikërisht me mungesën e legjislacionit për shkak të atyre njerëzve që e kishin zënë forcërisht atë plazh. Më në fund Plazhi i Vjetër do të kthehet në një nga pikat që do të frekuentohet gjerësisht nga pushuesi”. Përsos të tjerave Drejtorisë së Turizmit Kulturës Rinisë dhe Sporteve pranë bashkisë Vlorë zoti Ilir Metaj, ka theksuar se edhe këtë vit Vlora do të ketë ofertën më të mirë turistike në vend, duke vazhduar të mbajë kurorën e mbretëreshës së turizmit.


Sunday, June 15, 2008

Laguna Coupe

Derisa paparacit ishin duke e "gjuajtur" automjetin e ri, Renault Megane, ata janë ndeshur me Laguna Coupenë e re. Ashtu si edhe pritej, Laguna Coupe nuk është e afërt me konceptin I cili ishte paraqitur vitin e kaluar.

Modeli me tri dyer I Renault Laguna, shumë më tepër do t'i ngjajë modelit "të zakonshëm " , sidomos me pjesën e përparme, ku siç duket dizajni ndriçues është marrë plotësisht nga Laguna me pesë dyer.

Pjesa e pasme krahasuar me konceptin, ka mbetur e pandryshuar, dhe duhet pranuar se ta kujton Alfa Romeon.

Te Laguna Coupe e re do të ofrohen katër motorë, dy dizelë dhe dy benzinë.
Dy të parët do t'i përfaqësojnë dizelin 2.0, me katër cilindra dhe mbushjen turbo, i cili ka 185 kalë-fuqi, dhe dizelin tjetër V6, 3.0, I cili do të ketë 230 kalë-fuqi.

Automjetet me benzinë do të përfaqësohen po ashtu me variante të ngjashme,njëri do të jetë 2.0, turbo, me 205 kalë-fuqi dhe tjetri 3.5, V6, me 230 kalë-fuqi.

Çmimi I modelit bazë do të fillojë më 35. 000 euro në tregun evropian, ndërsa modelet më të fuqishme dhe të rregulluara më mirë do të kushtojnë mbi 50.000 euro.

Duhanpirja “korrupton” trurin

Në momentet e ngarkuara, stresante e të tensionuara, shumë i besojnë një cigareje për të gjetur shpëtim. Rastet janë të panumërta, aq sa të shumtë janë ata që tymosin. Por, në fakt, studimet e ndryshme që janë bërë tregojnë se duhanpirja rrezikon seriozisht organizmin, në mënyrë të veçantë kujtesën dhe mundësinë e arsyetimit për të zgjidhur problemet.

Kjo është një tezë e mbështetur prej kohësh dhe që tashmë qëndron në bazë të një studimi të realizuar nga një institut shëndetësor francez, i njohur në fushën e vet, në bashkëpunim me një universitet në Londër dhe publikuar në revista mjekësore.

Për studimin në fjalë, kërkuesit shkencorë janë mbështetur në të dhëna interesante, që datojnë që në vitin 1985, kur një studiues ekzaminonte raportin mes statusit socio-ekonomik dhe shëndetit. Të dhënat u mblodhën pas anketimeve të 10.308 punonjësve të ndryshëm.

Mes viteve, 1997-1999 e deri në periudhën 2002-2004 u vlerësuan shumë sjellje duke vrojtuar duhanpirësit. Në konsideratë, përpos pjesëve të sjelljes u morën edhe shpejtësia në arsyetime dhe kujtesa e të analizuarve. Me kalimin e kohës, ndërkohë që ata mbaheshin nën vëzhgim u vunë re humbje të ndjeshme të disa zakoneve, që më parë i kishin pasur. Kujtesa, reagimi, mundësia për të arsyetuar shpejt e në mënyrë të logjikshme. Në vlerësimin e atyre që morën pjesë në këtë studim u morën parasysh

një sërë faktorësh; mosha, seksi, statusi civil, niveli arsimor dhe pozicioni social-ekonomik dhe shëndeti në përgjithësi. Këto sipas specialistëve kanë ndikimin e vet në studim, për të cilin një pikë më vete ishte edhe nëse ata konsumonin alkool apo përdornin droga.

Rezultatet e studimit tregojnë një lidhje mes duhanpirjes dhe riskut të madh në problemet me kujtesën dhe aftësinë për të formuluar një arsyetim linear. “Të pish duhan, nuk të ‘korrupton’ vetëm shëndetin në përgjithësi, por edhe trurin”- theksuan studiuesit.

Aq e dukshme është kjo sipas studiuesve, sa për shumë prej të analizuarve, fill pas lënies së duhanit, stili i tyre i jetës ndryshonte në mënyrë rrënjësore, sikur të lësh duhanit, është e njëjta gjë si ti të kujdesesh për veten në një mënyrë më komplete.

Audi A3 TDI Clubsport quattro koncept

Audi në takimin e sivjetmë për tunning, i 27-ti me radhë me emrin Lake Worther Tour, i cili mbahet nga 21 deri më 25 maj në Austri, do të paraqesë konceptin e ri të zhvilluar në bazë të modelit të ridizajnuar kohë më parë, atë A3.

Ideja bazë është të promovohen mundësitë e motorit dizel, pasi që 2.0 litërshi dizel TDI në këtë automjet zhvillon 224 KF dhe 450 Nm për vetëm 1.750 o/min.

Vozitësi i cili di të udhëheq mirë me gazin, kupllungun dhe dorezën e marshit prej gjashtë shpejtësive do të mund ta arrijë shpejtësinë prej 100 kilometrash në orë për diç më shumë se gjashtë sekonda dhe të vazhdojë deri në 240 km/h.

Në kuadër të motorit të përforcuar edhe pjesa tjetër e automjetit do të përmirësohet - sepse në të janë integruar disqet qeramike të frenimit, sistemi Drive Select, sistemi Magnetic Ride... e shumë tjera.

Wednesday, June 11, 2008

Me rastin e 130 vjetorit të Lidhjes Shqiptare të Prizrenit, Instituti për Trashigimi Kulturore dhe Shpirtërore të Shqiptarëve mbajti akademi solemne




SHPALOSET FLAMURI I CILI ËSHTË NGRITUR PARA 40 VITESH

Instituti pėr Trashëgimi Kulturore e Shpirtërore tė Shqiptarëve “Pjetër Bogdani” në bashkëpunim me Universitetin Shtetëror tė Tetovës (USHT), mbajti akademi solemne kushtuar 130-vjetorit tė Lidhjes Shqiptare tė Prizrenit.

Me këtë rast u shpalos flamuri ynë(kuq e zi) i cili ishte i fshehur qysh prej vitit 1968 në shtëpin e mësuesit të historisë Ruzhdi Ahmeti. Në këtë vit mësuesi Ahmeti flamurin e çoi në shkollën fillore ” 25 Maji” në Shkup, si pasoj e së ciliës edhe u burgos. Dhe ja pas 40 vitesh flamuri filloi sërisht të valojë dhe atë në ditën e shënimit të 130 vjetorit të Lidhjes së Prizrenint pikërishtë në Institutin për Trashigimi Kulturore dhe Shpirtërore të Shqiptarëve.

Mirushe Hoxha, drejtoreshë e Instituti për Trashegimi Kulturore e Shpirterore të Shqiptarëve “Pjetër Bogdani” para të pranishmëve theksoi “Lidhja Shqiptare e Prizrenit është simbolika e dinjitetit dhe identitetit kombëtar, që në periudha të ndryshme merr dhe trajta të ndryshme të vetëmanifestimit. Janë të shumta këto trajta të vetėmanifestimit të mirëfilltė të dinjitetit kombëtar: flamuri kombëtar, emri, persekutimet për arsye tė dinjitetit kombëtar. Gjithashtu , krijimi institucional i bërthamës kombëtare përmes argumenteve shkencore në një shtet demokratik-që është mision i Institutit “Pjetër Bogdani”, tha ndër të tjera Mirushe Hoxha.

Në akademinë solemne me kumtesa u paraqitėn prof.dr.Vebi Xhemaili, historian, prof.dr.Fejzullah Shabani, prof.dr.Nexhat Abazi, magjistër Besnik Emini, prof.dr.Nebi Dervishi, kryetar i Shoqatës sė Historianëve Shqiptar në Maqedonisë (SHHSHM), dhe prof.dr.Nuhi Vinca.

Në emër të historianve foli prof.dr.Vehbi Xhemaili i cili elaboroi “Raportet e konsujve ndaj Lidhjes së parë të Prizrenit” dhe mes të tjerash tha:” Edhe në shqiptarët këtu në Maqedoni sot kemi fatin që këtë ditë të madhe ta kremtojmë pikërisht në monument të rëndësishëm për ne, pikërisht në Institutin për Trashigimi Kulturore dhe Shpirtërore të Shqiptarëve, e cila ka rol domunues në ruajtjen dhe kultivimin e kulturës dhe gjenezës shqiptare”, tha kryetari i historianëve të Maqedonisë, Xhemaili.

“Jemi mbledhur për të kremtuar 130 vjetorin e Lidhjes së Prizrenit datë kjo mjaftë me vlerë për ne.Lidhja shqiptare e Prizrenit shënonte fazën më gjallëruese të veprimtarisë politike atdhetare të Lëvizjes Kombëtare Shqiptare. Idet e programit politike të Lidhjes së Prizrenit në fakt kanë qenë ide më të organizuara gjer në atë përiudhë ku është në pyetje lufta dhe kërkesa e shqiptarëve për një shtet sovran dhe të pavarur.”, tha prof.dr.Fejzulla Shabani.

Ndërsa prof.dr Nexhat Abazi lexoi disa fragmente nga punimi shkencor “Projekti arsimor i Lidhjes së Prizrenit”.

Sipas tij, si shumë ngjarje të rëndësishme revulucionare në Evropë dhe shumë të tjera të cilat patën një përgaditje të fuqishme ideologjike e arsimore poashtu edhe Lidhja e Prizrenit kishte një mbështetje ideore filozofike dhe arsimore-iluministe të bazuar në periudhë demokratike.

Para auditoriumit u paraqitën kori i Universitetit Shtetëror tė Tetovës (USHT) dhe violinistët Blerim Grubi dhe Sihana Badivuku.

Me rastin e shënimit të 130 vjetorit të Lidhjes së Prizrenit gjithashtu në Qendrën Teatrore për fëmijë dhe në Shtëpinë e Jashar bej Kumbarajve në Shkup, Shoqata e Historianëve Shqiptar në Maqedoni, mbajtën tribunë shkencore me çrast para auditorit u paraqitën: Ali Vishko, Shukri Rahimi, Muzafer Bislimi, Qerim Lita, Skender Hasni, Ilmi Veliu dhe Fati Iseni.

Sipas tyre, qëllimi i Lidhjes Shqiptare të Prizrenit ishte formimi i shtetit autonom shqiptar që do të mbulonte vilajetet otomane të Prizrenit , Shkodrës, Manastirit dhe Janinës.

SHIFRA ALARMANTE TË KEQPËRDORIMIT TË FËMIJËVE


SHIFRA ALARMANTE TË KEQPËRDORIMIT TË FËMIJËVE

TË MITURIT I KA KAPLUAR BRENGA SE SI TË SIGUROJNE KAFSHATËN E BUKËS

Gati 18 000 fëmijë në Maqedoni nuk janë të involvuar në sistemin arsimor ndërkohë më pak se 1000 fëmijë janë në rrugë, duke jetuar pa strehë mbi kokë dhe pa prindër.

Fëmijët gjithnji e më tepër janë pjesë e keqpërdorimit si pasoj e punës. Tashmë për ta rini është shëndruar në jetë të vrazhdë të cilën e dirigjojnë prindërit e tyre.

Një ndër rastet më ekstreme që dëgjuam ishtë pikërisht një prind nga Tetova i cili e tregtoi vajzen e tij nëntë vjeçe. Si pasoj e gjendja së vështirë materjale e dërgoi vajzën e tij të punoj në një kafene si ndihmëse e mysafirëve e cili detyrohej që për çdo natë të pij madje edhe alkohol.

Shumë shpesh shohim fëmijë që punojnë punë të ndryshmë madje edhe të rënda të cilat janë të ndaluara me Konventën për të drejtat e fëmijëve.

Shohim fëmijë që punojnë si ndihmës-puntor pra ata marrin pjesë drejtpërdrejt në ndërtimin e ndonjë objekti.

Sa e sa fëmijë shesin në rrugë me qëllim që të sigurojnë kafshatën e gojës familjarëve.

Nëntë vjeçari S.M cdo ditë shet akullore në një nga lagjet e qytetit.

“Në mëngjes shkoj në shkollë, dhe pasi të kthehem e zëvndësoj nënën, ajo shkon në shtëpi ndërsa unë shes, sepse ajo duhet të përkujdeset për dy vëllezërit më të vegjel. Nuk e kam punën shumë të rëndë por nuk kam kohë të mjaftueshmë për të mësuar dhe shpesh shkoj pa i bërë detyrat ndërsa mësuesja më qorton”, shprehet ai.

Më prekëse është se nga do që të kthehesh vërën fëmijë të cilët shesin në rrugë. Në Shkup ka më shumë se njëmijë fëmijë që shesin në lagje të ndryshme. “Vendi i punës”, është Ura e Gurit, Bit Pazari, Qendra Mavrovesja etj. Lagje këto të banuara me shqiptar dhe fatkeqësisht shumica e fëmijëve te mitur që shesin janë shqipfolës.

Voglushi 8 vjecari B.K. tërrë ditën shet çokollata dhe bombona. E pyetëm se pse nuk shkon në shkollë ai u përgjegj.

“Shollën e dua, por nuk mundem të shkoj. Jemi 6 fëmijë dhe duhet të punojmë, babain si pasoj e punës gati dy vite është invalid dhe na takon tash ne fëmijëve të punojmë”, bëri me dije voglushjarëve kafshatën e bukës, ndërkohë sytë të bënin të kuptosh se ai nuk trembej nga puna.

Ai sëbashku më vëllëzërit dhe motrën tërë ditën shesin dhe janë të kënaqur nga ajo që fitojnë.

“Shpesh herë qytetarët nuk janë të interesuar të blejnë, ne u vërsulemi pas, jo që e bëjmë prej qejfi por jemi të detyruar sepse nuk mund të kthehemi në shtëpi pa para. Ndërsa qytetarët shpesh nga këmbëgulja jonë, na japin para dhe nuk e marin çokollatën”, njohton motra 12 vjeçe e B.K nga Shkupi.

Organizatat joqeveritare reagojnë pasi edhe pse Maqedonia e ka nënshkruajt Konventën kundër keqpërdorimit në punë të fëmijëve, përsëri gjendja është mjaftë alarmante. Gati 18 000 fëmijë në Maqedoni nuk janë të involvuar në sistemin arsimor ndërkohë më pak se 1000 fëmijë janë në rrugë, duke jetuar pa strehë mbi kokë dhe pa prindër.

Si të përballosh stresin e provimeve?


Dhimbjet e kokës janë të shpeshta, nuk përqëndrohesh, të flihet shumë ose s’ke gjumë fare, përjeton ankth. Ka të ngjarë që këto shenja t’i keni nëse keni për të dhënë provim të nësermen ose gjatë javës.

Janë simptoma të zakonshme për të gjitha ata studentë që janë me provime në këtë periudhë të përfundimit të vitit universitar. Më shumë stres përjetojnë ata që diplomohen, studentët që janë në përfundim të studimeve akademike. “Kam frikë se mos nuk diplomohem. Ndihem shumë e stresuar pasi nëse nuk marr diplomën e kam të pamundur të punoj në profesionin tim dhe nuk e di se çdo bëj dhe ku do të punoj”- u shpreh një studente në prag të diplomimit në Universitetin e Tiranës. Për shkak të stresit shumë kanë simptomat e mësipërme. Për mos të thënë se disa të tjerë edhe u bie të fikët para hyrjes në provim ose gjatë tij. Ana T. studente për Arkeologji në vitin e tretë, në Fakultetin Histori-Filologji pas provimit i ra të fikët. Mjekët e diagnostikuan se kjo ka ardhur si pasojë e stresit për të cilin trupi e ka pasur të pamundur ta përballonte.

Megjithatë çfarë duhet për të mësuar në mënyrë të efektshme dhe për ta përballuar më mirë stresin para provimeve.

“Jam programuar në mënyrë që të mësoj në mënyrë të efektshme. Çohem herët që në mëngjes dhe pasi ha mëngjes filloj menjëherë të studioj” – tha Marsila Mahmutllari, studente në vitin e katërt për Gjuhë-Letërsi, në Universtitetin e Tiranës.

Megjithatë mes shumë këshillash të specialistëve në këtë fushë do të shkëputnim disa gjëra që ndihmojnë në përballimin e stresit para provimeve. Ushqimi, pushim i mirë dhe program për të mësuar në mënyrë të efektshme.

Specialistët këshillojnë që brumërat, orizi, frutat, perimet, vezët e ziera dhe qumështi i ngrohtë është i mirë. Ndërsa duhet hequr dorë nga kafja, e cila shoqëron rëndom studentët natën para provimeve. Simptomate mësipërme si ankthi, dhimbja e kokës, pagjumësia mund të fitohen nëse i kontribuon trupit me ushqime me vlera. Nuk duhet të mungojë buka, orizi, qepa, djathi i freskët, vezët e ziera frutat e ëmbla dhe mjalti që favorizojnë gjumin dhe ndihmojnë organizmin të qetësohet për të përballuar energjinë dhe përqëndrimin që duhet para sfidave shkollore.

Ajo që është e rëndësihme për të ulur stresin është edhe studimi i mirë para provimeve. Të studiosh në mënyrë të efektshme është e mundur. Edhe në këtë fushë specialistët këshillojnë disa metoda. “Të studiosh duke mbajtur shënime të ndihmon të mbash mend më shumë” – ka sugjeruar Zydi Dervishi, sociolog dhe pedagog në universitetin e Tiranës. Një metodë e mirë e provuar nga disa studentë është kjo:

- HIDHI një sy materialit

Kjo do të thotë që të shohësh me të shpejtë materialin që të është caktuar, duke parë nëntitujt, kapitujt e kështu me radhë me qëllim që të kesh një ide se çfarë trajtohet.

-Formulo PYETJE

Pyetjet formuloji në bazë të kapitujve ose frazave kyçe. Kjo gjë të ndihmon të përqendrohesh në atë që lexon.

-LEXO duke kërkuar përgjigjet e këtyre pyetjeve

-Pasi të kesh mbaruar çdo paragraf ose pjesë PËRSËRIT përmendësh ose thuaj me fjalët e tua atë që ke lexuar, pa parë në libër.

-Kur të kesh mbaruar gjithë materialin, RISHIKO përsëri nëntitujt, duke provuar sa kujton nga çdo pjesë!

Disa që e kanë provuar këtë metodë kanë pohuar se i kanë ndihmuar që të mbajnë mend rreth 80 përqind të materialit.

Ajo që mbetet është vetëm të zbatosh këshillat dhe SUKSESE në provime!

Dhënia e maturës shtetërore fillon nesër

Shkup, 11 qershor (MIA) - Në shkollat e mesme shtetërore në Maqedoni nesër fillon dhënia e testit për gjuhën amtare, i pari prej dy lëndëve eksterne të maturës shtetërore. Lënda e dytë, matematikë ose gjuhë të huaj, maturantët do ta japin më 14 qershor. Për dhënien e maturës shtetërore, pa të cilin nuk mund të regjistrohen në fakultet, janë paraqitur 17.800 kandidatë prej 23.000 gjimnazistëve që mbarojnë vitin e katërt. Ata janë gjenerata e parë që do ta japin provimin përfundimtar.

Lëndën gjuha amtare (maqedonisht, shqip ose turqisht" është i detyrueshëm dhe do ta japin të gjithë 17.800 kandidatët. Kandidatët që janë me mësim në gjuhën maqedonase janë 13.126 nxënës, në gjuhën shqipe 4.365 dhe në gjuhën turke janë paraqitur 309 nxënës.

Sipas Vesna Horvatoviq, drejtoreshë e Byrosë për zhvillimin e arsimit, janë bërë përgatitjet për realizim të suksesshëm të provimit të maturës shtetërore. Ajo shtoi se janë evituar të gjitha mangësitë dhe dobësitë nga matura provuese e dhjetorit. Pyetjet e provimit do të përshtaten me programet mësimore. Matura shtetërore do të jepet në shkollat e mesme amë, por në disa komuna, ku ka probleme hapësinore, një pjesë e nxënësve do ta japin provimin edhe në shkollat fillore fqinje. Provimin e maturës do ta zbatojnë 1.926 testues të trajnuar.

Për lëndën e dytë eksterne interesimi është më i madh për gjuhën e huaj, se sa për matematikën - për gjuhën angleze janë paraqitur 11.055 kandidatë, për gjuhën franceze 567, për gjuhën gjermane 230 dhe për gjuhën ruse 70 kandidatë. Matematika jepet në dy nivele - bazore dhe përparimtare. Për niveli bazor janë paraqitur 5.492 kandidatë, ndërsa për nivelin përparimtar 386. Zjgedhje midis dy niveleve varet nga lista e fakulteteve cilin nivel e kërkon për regjistrim.

Dhënia e gjuhës amtare nesër do të zgjasë 240 minuta, ndërsa testimi për gjuhë të huaj, gjegjësisht matematikë, të shtunën do të fillojë në orën 9 dhe do të zgjasë 180 minuta. Për nxënësit të cilët në afatin e qershorit nuk e japin maturën shtetërore ose ose një pjesë të saj ose për shkaqe të arsyeshme nuk e kanë dhënë, do të organizohet edhe afat i dytë i provimit në gusht - gjuhë amtare më 14 gusht dhe matematikë, gjegjësisht gjuhë e huja më 16 gusht.

Dy lëndët interne maturantët do t'i japin midis 16 dhe 28 qershor. Ato janë me zgjedhjen e nxënësve, ndërsa afatet kohore do të konfirmohen nga komisioni shkollor i maturës. Në afatin e gushtit, lëndët interne do ta japin prej 18 deri 30 gusht. Lënda e pestë e maturës shtetërore është detyra projektuese, të cilën nxënësit e kanë prezantuar midis 1 prill dhe 20 maj. Afati i gushtit për mbrojtjen e detyës projektuese është në të njëtjtën kohë me lëndët interne, midis 18 deri 30 gusht.

Matura shtetërore është ndërrim për provimet pranuese në fakultete. Regjistrimi në universitete në vitin e parë në vitin 2008/2009 është më 25 dhe 26 gusht. Matura shtetërore është e detyrueshme për të gjithë maturantët në arsimin gjimnazist dhe atë katërvjeçar profesional. Në të nuk janë përfshirë vetëm shkollat e mesme të artit, të cilat kanë qenë të parapara, por për ta nevojitej ndryshim i Ligjit për arsim të mesëm, gjë që nuk ndodhi për shkak të shpërndarjes së Palamentit.

Dashuria me shikim të parë

Të gjithë, besoj kush më shumë dhe kush më pak, keni dëgjuar apo besoni se ekziston një person i caktuar me të cilin jeni të destinuar të kaloni të gjithë jetën tuaj. Këtë person mund ta takoni çdo ditë, mund ta keni shumë pranë dhe megjithatë shumë pak njerëz arrijnë të gjejnë gjysmën e tyre perfekte. Kjo është edhe arsyeja përse shumica e të martuarve harrojnë menjëherë betimin: “Derisa vdekja të na ndajë”.

Ardhja jonë në jetë është një çështje që nuk vihet në plan të diskutimit. Kemi lindur nga bashkimi i një dashurie të madhe mes dy njerëzve, apo nga një molepsje respekti dhe planifikimi. Personi që beson në faktin që shumë gjëra janë të shkruara dhe shumë prej tyre janë të paracaktuara, me pak fjalë beson në fat, do t'i duket kjo teori e besueshme dhe aspak e çuditshme. Qenia njerëzore kur lind, lind çift, jo tek.

Në të njëjtin moment me të lind dhe një ndjenjë që në momentet e para është e strukur në subkoshiencën e tij. Është pikërisht kjo ndjenjë, e cila do t'i shfaqet shumë shpesh gjatë periudhës së adoleshencës dhe do ta "shqetësojë" në kërkim të dhënies përgjigje të shumë pyetjeve lidhur mbi fatin e tij, arsyen përse është në këtë botë, çfarë do të bëhet me të më pas dhe për më shumë, cili do të jetë ai/ajo person që do të kalojë jetën me të? Teoria e plotësimit qëndron në bashkimin e dy personave, të cilët plotësojnë njëri-tjetrin në të gjitha drejtimet: intelektual, shoqëror, emocional, fizik dhe shpirtëror. Teoria e plotësimit mbështet shumë dhe të dashuruarin me shikim të parë.

Dy persona qëndrojnë përballë njëri-tjetrit, shikojnë në sytë e njëri-tjetrit dhe jo thjesht paraqitjen, por më thellë, ata shikojnë drejt e në shpirtin e njëri-tjetrit dhe gjejnë në të atë ndjesinë e plotësimit. Kështu është dashuria me shikim të parë, plotësimi i diçkaje që deri në ato momente mungonte tek të dy personat, plotësimi i të qenit i tërë.

Shpesh, në momente të ndryshme personi vihet përpara ndjenjave të tilla se cili është personi ideal për mua, cili është shpirti im binjak, cili është personi i cili do të më plotësojë mua, cili është personi që do të arrijë të ma shuajë këtë ndjenjë që ndizet e zjarrtë në mendjen dhe zemrën time? Shumë njerëz mendojnë se ky nuk është asgjë tjetër veçse një trillim, një mundësi reflektimi, një mekanizëm mbrojtjes për të vënë përpara vetes një aleat të mirë, për të mos qenë i ashtuquajturi "dështak" në dashuri.

Shumë të tjerë, të cilët nuk kanë arritur ta shijojnë atë ndjesi që ndien në momentin e plotësimit, mendojnë dhe "bërtasin" me të madhe se diçka e tillë nuk ekziston, mbështesin faktin se një plotësim i tillë është i pamundur dhe është një "idiotësi" lidhja e dy personave me shikim të parë. Nuk diskutohet, është më se e qartë se nëse ty të pëlqen dikush dhe në momente të caktuara tek ty ndizet një ndjesi.

Teoria e plotësimit thekson faktin se nëse dy persona arrijnë të gjejnë njëri-tjetrin, ata nuk ndahen më, për ta nuk ekziston më asnjë dyshim, në dashurinë e tyre dhe në mundësinë se për ta mund të ekzistojë dikush tjetër që t'i ndajë, apo të bëhet barrierë midis tyre. Nuk ka femër që mund t'i ndryshojë mendjen një mashkulli të "plotësuar", sado e bukur të jetë, sado inteligjente dhe e zgjuar të jetë, çfarëdo lloj teknike apo metodike të përdorur për joshje, të vënë në jetë nga ajo. E njëjta gjë vlen dhe për femrën e "plotësuar".

Monday, June 9, 2008

Historia e dhimbshme e familjes Luzha nga Shkupi




BUKËN E HA THATË, POR BIJËN NUK E LË PA ILAÇE

“Ajo është invalide, vuan nga epilepsia dhe ilaçet i ka të domosdoshme”, tha me lot në sy babai Jetishi.

Skamja dhe peripecit në jetë për familjen Luzha nga lagja ”Xhon Kenedi” në Shkupi, s’kanë të sosur.

Kryefamiljari Jetish Luzha ka punuar 2 vite në Zagreb dhe 26 vite në Beograd, gjatë luftës kthehet në Maqedoni dhe pas ca kohësh sëbashku me vajzën Shehide fitojnë shtetësinë e Maqedonisë.

Kjo familje pos gjendjes së vështirë ekonomike po ballafaqohet edhe me vështirësi të tjera.

Koço Lega banor i Shkupit, i ndihmuar nga avokati Vanço Shehtanski, pa pasur të drejtë mundohen ta marrin banesën e tyre, për të cilën dokumentat dëshmojnë të kundërtën. Aty vërtetohet se kjo pronë i takon familjes Luzha. Për këtë gjë janë ankuar edhe në gjykatë, por lënda e tyre për 2 vite ka ngelur në sirtar.

“Një qytetar maqedonas sëbashku me avokatin e tij, Vanço Shehtanski na mashtruan, ata e shitën banesën tonë pas shpine por ne pas shumë peripecive arritëm ta kthejmë sepse i posedojmë dokumentat të cilat e vërtetojnë se është banesa jonë. U ankuam edhe në gjykat por lënda gati dy vite është harruar nëpër sirtar. Koço Lega kur e morri vesh se nuk arriti të realizoj qëllimin e tij, erdhi në banesë dhe i prishi dyert, më në fund pas dëmit që na shkaktoi tentoi ta djeg banesën por ne intervenuam në kohë”, informoi Shehide Luzha.

Shehidja qysh e re ka ngelur invalide. Ajo tash është 38 vjeçe dhe nuk ka marrë asnjë ndihmë financiare.

Babai Jetishi shprehet se e ka të rëndë t’i siguroj ilaçet për bijën e tij, sepse ka 78 vjet dhe nuk ka fuqi për të punuar.

“E kam shumë të rëndë por sidoqoftë unë bukën e ha thatë dhe vajzën nuk e lë pa ilaçe. Ajo është invalide, vuan nga epilepsia dhe ilaçet i ka të domosdoshme”, tha me lot në sy babai Jetishi.

Ata jetojnë në mjerim, ç’do ditë e kalojnë me shpresë se ndoshta dikush do t’u sjell dic për të ngrën për të mbajtur vetën gjallë.

Të gjithë mirbërësit që duan ta ndihmojnë familjen Luzha mund ta gjejnë në lagjen “Xhon Kendi: rruga “Cvetan Dimov”, nr: 145 banesa 1/1- Shkup, apo mund të ofrojnë ndihmë të drejtpërdrejtë financiare në xhiro-llogarinë e tyre.(xh.ll. 300001000003203) Banka komerciale.